Нарва (рака Эстоніі)

На́рва (Нарова, па-эстонску: Narva jõgi) — рака на мяжы Эстоніі і Ленінградзкай вобласьці Расеі. Самая буйная рака Эстоніі. Бярэ свой пачатак у Чудзка-Пскоўскім возеры і злучае яго зь Фінскім залівам. Другая паводле велічыні рака, якая упадае ў Фінскі заліў. Паводле ракі названыя Нарвенская культура ды горад Нарва.

Рака

Нарва
эст. Narva
Нараўская й Івангародзкая крэпасьці на Нарве
Агульныя зьвесткі
Выток	Пэйпсі
Вышыня вытоку	30
Вусьце	Фінская затока
Вышыня вусьця	0
Краіны басэйну	Расея  Эстонія
Вобласьці	Ленінградзкая вобласьць
Даўжыня	77 км
Сярэднегадавы сьцёк	399 м³/с
Плошча басэйну	56 225 км²
Нахіл воднай паверхні	0,39 м/км
Месцазнаходжаньне
Мапа басэйнаў Нарвы і возера Пэйпсі
Асноўныя прытокі
Левыя	Яама, Поруні, Мустайыгі
Правыя	Плюса, Росань
Галерэя здымкаў у Вікісховішчы

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Нарва.

Этымалёгія

Паходжаньне назвы невядомае, але згодна з найбольш распаўсюджанай думкай назва паходзіць ад вэпскага слова, якое абазначае вадаспад ці плынь.

Геаграфія

Бярэ свой пачатак у Чудзка-Пскоўскім возеры каля вёсак Васкнарва (Эстонія) ды Скам’я (Расея). Уніз па цячэньні ёсьць ячшэ некалькі меншых вёсак, але да гораду Нарвы берагі рэчкі пераважна лясістыя ды забалочаныя. На рацэ пабудаваныя дамбы ў гарадох Нарва ды Івангорад і створанае Нарвенскае водасховішча даўжынёй 38 км. Нарва ўпадае ў Нарвенскую затоку каля гораду Нарва-Йыэсуу.

Самым буйным прытокам Нарвы зьяўляецца рака Плюса, якая далучаецца да Нарвы ў раёне Нарвенскага водасховішча.

Нарвенскі вадаспад

Паміж Нарвай ды Івангорадам рака Нарва цячэ праз Балтыйска-Ладаскі ўступ і ўтварае Нарвенскі вадаспад, які некалі быў адным з самых буйных у Эўропе^[1].