Настасься Верамеенка

Наста́сься Вераме́енка (нар. 10 ліпеня 1987 году, Кохтла-Ярвэ, Эстонія) — беларуская баскетбалістка клюбу «Гарызонт». Гуляе на пазыцыі цэнтравой. Таксама гульчыха зборнай Беларусі. 13 разоў прызнавалася найлепшай баскетбалісткай Беларусі (2006, 2007, 2008, 2009, 2012, 2013, 2015, 2016^[2][3][4], 2017^[5], 2018^[6], 2020, 2021, 2022^[7]).

Настасься Верамеенка
Пазыцыя:	цэнтравы
Рост:	192 см
Вага:	75 кг
Грамадзянства:	Беларусь[1] Эстонія
Нарадзілася:	10 ліпеня 1987(1987-07-10)[1] (38 гадоў) Кохтла-Ярвэ, Эстонская Савецкая Сацыялістычная Рэспубліка, СССР
Клюбная інфармацыя
Клюб	Гарызонт Менск
Клюбы
Гады	Клюб
2001—2005	РДВАР[d]
2005—2012	Надзежда Арэнбург[d]
2012—2014	Фэнэрбахчэ[d]
2015	Гарызонт Менск
2015—2019	Фэнэрбахчэ[d]
2019	Гарызонт Менск
2020	Надзежда Арэнбург[d]
2020—4	Гарызонт Менск

Кар’ера

Клюбная

Усё дзяцінства правяла ў Гомлі^[8]. Старэйшы брат — баскетбаліст Уладзімер Верамеенка. Баскетболам пачала займацца ў гомельскай СДЮШАР №9 у веку дзевяці гадоў з ініцыятывы бацькоў^[9]. Першым трэнэрам была Тамара Гарновіч^[10]. Навучалася ў Рэспубліканскай вучэльні алімпійскага рэзэрву ў Менску пад кіраўніцтвам Віктара Бялевіча^[11].

У 2012 годзе ў складзе «Фэнэрбахчэ» заваявала Супэркубак Турэччыны^[12]. У лістападзе 2014 года нарадзіла дачку^[13], але хутка вярнулася да трэнаваньняў. У 2020 годзе вярнулася ў «Гарызонт».

Міжнародная

У 2007 годзе разам з зборнай заваявала бронзавы мэдаль на чэмпіянаце Эўропы па баскетболе 2007 году. Удзельніца летніх Алімпійскіх гульняў 2008 і 2016 гадоў. У красавіку 2014 году зьявілася інфармацыя, што яна прапусьціць чэмпіянат сьвету, які ладзіўся ў кастрычніку ў Стамбуле, празь цяжарнасьць^[14]. Настасься вырашыла прыпыніць выступы.

Дадатковыя зьвесткі

У 2007 годзе быў выпушчаны насьценны каляндар на 2008 год, у якім былі фатаграфіі Настасьсі Вераменнкі ды некаторых іншых спартовак^[15].