Наша думка

«На́ша ду́мка» — штотыднёвая грамадзка-палітычная і літаратурная газэта прагрэсіўнага кірунку. Выходзіла на беларускай мове ў Вільні (24 сьнежня 1920 — 8 ліпеня 1921). Выйшла 27 нумароў. Забаронена польскімі ўладамі.

На́ша ду́мка
Тып	тыднёвая
Краіна	Сярэдняя Літва
Галоўны рэдактар	Максім Гарэцкі, Аляксей Кабычкін
Заснаваная	24 сьнежня 1920
Закрытая	ліпень 1921
Мова	беларуская
Штаб-кватэра	Вільня, Вастрабрамская вуліца, 5 (Пасаж)

Рэдактары: Максім Гарэцкі, на Вастрабрамскай вуліцы 5 (Пасаж), друкарня «Друк», на Вастрабрамскай вуліцы 5 (па-летувіску: Aušros gatvė 5) (54°40′34.62″ пн. ш. 25°17′16.65″ у. д.); з № 14 Аляксей Кабычкін на Вастрабрамскай вуліцы 9 (па-летувіску: Aušros gatvė 9) (54°40′32.44″ пн. ш. 25°17′18.13″ у. д.), друкарня Барыса Клецкіна, Мала-Стэфаноўская 23, (па-летувіску: Raugyklos gatvė 23) (54°40′23.92″ пн. ш. 25°16′44.87″ у. д.).

Зьмест

Асноўную ўвагу аддавала палітычнаму й эканамічнаму становішчу Заходняе Беларусі пад уладай Польшчы, распаўсюджаньню ідэяў вызваленчага руху. Меліся рубрыкі: «Штодзенныя весткі», «Правінцыяльны аддзел», «Беларускае жыцьцё».

15 красавіка 1921 году на старонках газэты надрукавалі верш былога ўдзельніка Слуцкага збройнага чыну «На сьмерць Піліпа Валоцькі» з наступнымі радкамі^[1]:

	На той стужцы, бел-чырвона-белай, Літары напісаны крывёю Тут ляжыць сын Беларусі мілай, Што пайшоў цярнёвай каляёю[2].

Таксама 29 красавіка, 27 траўня 1921 году лісты ваяроў Слуцкага збройнага чыну й 6 траўня 1921 году верш «Песьня інтэрнаваных 1 Слуцкай Брыгады стральцоў»^[3][4][5].

Памяць

Хор вольных беларусаў «Гук Цішы», які базуецца ў Варшаве, агучыў да Дня гэрояў Слуцкага збройнага чыну песьню слуцкіх паўстанцаў^[6].