Невельскі раён

Невельскі раён — адміністрацыйна-тэрытарыяльная адзінка на поўдні Пскоўскай вобласьці Расеі. Адміністрацыйны цэнтар — места Невель.

Невельскі раён
Невельский район
Герб	Сьцяг
Агульныя зьвесткі
Краіна	Расея
Статус	раён
Уваходзіць у	Пскоўскую вобласьць
Адміністрацыйны цэнтар	Невель
Дата ўтварэньня	1927
Насельніцтва (2005)	29 700
Плошча	2640 км²
Месцазнаходжаньне Невельскага раёну
Мэдыя-зьвесткі
Часавы пас	UTC +3
Код аўтам. нумароў	60
Афіцыйны сайт
Дадатковыя мультымэдыйныя матэрыялы

Геаграфія

Плошча раёну — 2640 км².

Гісторыя

Раён утвораны на частцы тэрыторыі скасаванага Невельскага павету Віцебскай губэрні у 1927 годзе ў Вялікалуцкай акрузе Ленінградзкай вобласьці, з 1929 году — у Заходняй вобласьці, а ад 1935 году — у Калінінскай вобласьці, з 1944 году — у Вялікалуцкай вобласьці і ад 1957 году — у Пскоўскай вобласьці. З 1 лютага 1963 па 2 студзеня 1965 году існаваў Невельскі прамысловы раён Пскоўскай вобласьці.

Дэмаграфія

Насельніцтва раёну на 2005 год — 29,7 тыс. чалавек, у тым ліку ў мескіх умовах жывуць каля 18 тыс. Усяго налічваецца 289 населеных пунктаў.

Эканоміка

Аб’ём адгружаных тавараў уласнай вытворчасьці, у апрацоўчых вытворчасьцях (2006) склаў 0,24 млрд руб.

Транспарт

Праз раён праходзяць чыгункі Санкт-Пецярбург — Кіеў і Вялікія Лукі — Полацак.

Невельскі раён мяжуе зь Беларусьсю, на асноўных магістралях арганізаваныя наступныя мытныя пераходы:

• «Невельскі» — в. Лобак;
• «Стайкі» — в. Стайкі;
• «Кліновае» — в. Кліновае.

Славутасьці

• Сядзіба Жукоўскіх у в. Канашова.
• Царква Сьв. Духа в. Плісы.
• Былая ўніяцкая царква Покрыва Прасьв. Багародзіцы ў в. Стайкі, помнік драўлянай архітэктуры барока.

Асобы

• Станіслаў Чарневіч (1728—1785) — генэральны вікарый ордэна езуітаў, памёр у Стайках

Вонкавыя спасылкі

• Невельскі раён , Radzima.org