Нову-Амбургу

Но́ву-Амбу́ргу (па-партугальску: Novo Hamburgo) — горад у Бразыліі, які месьціцца ў штаце Рыю-Грандзі-ду-Сул. Паводле зьвестак на 2020 год насельніцтва гораду складала каля 247 тысяч чалавек^[2]. Уваходзіць у сталічны рэгіён Порту-Алегры.

Нову-Амбургу
Герб Нову-Амбургу Сьцяг Нову-Амбургу
Дата заснаваньня:	1832
Краіна:	Бразылія
Штат:	Рыю-Грандзі-ду-Сул
Плошча:	223,606 км²
Вышыня:	57 м н. у. м.
Насельніцтва:	▼235 802 чал. (1 ліпеня 2025)[1]
Тэлефонны код:	51
Геаграфічныя каардынаты:	29°40′40″ пд. ш. 51°7′51″ з. д.
Нову-Амбургу на мапе Бразыліі Нову-Амбургу
Галерэя здымкаў у Вікісховішчы
http://www.novohamburgo.rs.gov.br/

Гісторыя

Першымі жыхарамі паселішча, якое ў наступным стаўся горадам Нову-Амбургу, былі партугальскія каляністы. Яны зьявіліся тут у XVIII стагодзьдзі. Але статус вёскі быў атрыманы толькі з прыбыцьцём нямецкіх каляністаў у 1824 годзе. У той час Нову-Амбургу ўваходзіў у склад Сан-Леаполду. Немцы стварылі квітнеючую сельскагаспадарчую калёнію і, у рэшце рэшт, забясьпечвалі асноўнымі гарады краіны таго часу ежай. Поруч зь сельскай гаспадаркай разьвіцьцё атрымалі рямёствы, то бок вёска заўсёды была даволі самадастатковай. Нову-Амбургу быў вылучаны з складу Сан-Леаполду 5 красавіка 1927 году, і неўзабаве далучыўся да шматлікіх іншых местаў Бразыліі, якія пачалі індустрыялізацыю.