Нота Казлоўскі

На́тан (Но́та) Казло́ўскі, Касло́ўскі (па-ангельску: Nota Koslowsky; 20 красавіка 1906^[1], Поразаў, Расейская імпэрыя — 25 сакавіка 1972^[2], ЗША) — амэрыканскі мастак, дызайнэр, гравёр, ілюстратар жыдоўскага паходжаньня.

Нота Казлоўскі
Дата нараджэньня	20 красавіка 1906(1906-04-20)
Месца нараджэньня	Поразава, Гарадзенская губэрня, Літоўскае генэрал-губэрнатарства, Расейская імпэрыя
Дата сьмерці	25 сакавіка 1972(1972-03-25) (65 гадоў)
Месца сьмерці	ЗША
Месца вучобы	Акадэмія мастацтваў у Варшаве
Занятак	маляр

Вікіпэдыя мае артыкулы пра іншых асобаў з прозьвішчам Казлоўскі.

«Кобрынскі кірмаш». Карціна Ноты Казлоўскага з прыватнай калекцыі

41 Union Square (крайні справа) — дом у Нью-Ёрку, дзе жыў Нота Казлоўскі

Жыцьцяпіс

Скончыў настаўніцкую сэмінарыю і Акадэмію мастацтваў у Варшаве^[3]. Працаваў настаўнікам мастацтва ў жыдоўскай гімназіі ў Беластоку.

У 1926 року разам з маці зьехаў у ЗША^[1]. Большую частку жыцьця пражыў у Нью-Ёрку па адрасе 41 Union Square, New York 3, N.Y. Быў адным з заснавальнікаў мэмарыяльнага фонду «Krinker Memorial Fund»^[4], створанага ў памяць мучанікаў у Крынках.

Быў жанаты зь Ідай Гласэр (анг. Eda Glasser)^[5], зь якой мелі сына Леона († 2003). У 1959 разьвяліся, другі раз ажаніўся з Рахельлю Зэліковіц (Рут Сэйкаф, анг. Ruth Seikoff), якую ведаў яшчэ з Крынак^[6]. Зь ёй ня мелі нашчадкаў^[7].

Творчасьць

Вядомы сваімі карцінамі людзей і мясьцінаў сучаснага Ізраілю. Уваходзіў у Рокпарцкую мастацкую асацыяцыю^[8] і Амэрыканскую прафэсійную лігу мастакоў^[9]. Акрамя Нью-Ёрку і Рокпарту, у 40-х — 50-х роках маляваў таксама ў Ізраілі^[10]. Нота Казлоўскі згадваецца ў грунтоўнай працы Пітэра Гастынгса Фолка «Who Was Who in American Art, 1564—1975»^[11].

Творы мастака захоўваюцца ў музэйных зборах ў Ізраілі, ЗША, Гішпаніі і Францыі.