Ніка Краньчар

Ніка Краньчар (па-харвацку: Niko Kranjčar; нар. 13 жніўня 1984 году, Заграб, СФРЮ) — былы харвацкі футбаліст, паўабаронца нацыянальнай зборнай Харватыі.

Ніка Краньчар
Пэрсанальная інфармацыя
Нарадзіўся	13 жніўня 1984(1984-08-13)[1][2][3][…] (41 год) Заграб, Сацыялістычная рэспубліка Харватыі, СФРЮ
Рост	186 см
Вага	82 кг
Пазыцыя	паўабаронца
Клюбы
Гады	Клюб	Гульні (галы)¹
2001—2005	Дынама Заграб	84 (19)
2005—2006	Хайдук Спліт	50 (15)
2006—2009	Портсмут	83 (9)
2009—2012	Тотэнгэм Готспур	72 (11)
2012—2016	Дынама Кіеў	13 (4)
2013—2015	→ Кўінз Парк Рэйнджарз	52 (4)
2016	Нью-Ёрк Космас[d]	7 (1)
2016—2018	Рэйнджарз	16 (1)
Зборныя
2004—2013	Харватыя	81 (16)

Кар’ера

Раньнія гады

Сын былога футбаліста й трэнэра харвацкай зборнай Златка Краньчара. Ніка правёў частку свайго дзяцінства ў Вене, пакуль бацька гуляў за венскі «Рапід» да 1991 году. У 17 гадоў Ніка стаў самым маладым капітанам у гісторыі заграбскага «Дынама»^[4], аднак узімку 2005 году перайшоў у склад галоўнага суперніка «Дынама» — клюб «Хайдук» з Спліту за рэкордную для Харватыі суму ў 1,5 млн эўра. У сэзоне 2004—2005 гадоў у складзе «Хайдука» ён стаў чэмпіёнам Харватыі й здабыў сталае месца ў нацыянальнай зборнай.

«Портсмут»

Пасьля вельмі пасьпяховага старту ў сэзоне 2006—2007 гадоў Ніка падпісаў чатырохгадовы кантракт з ангельскім клюбам «Портсмут»^[5].

«Тотэнгэм Готспур»

У апошні дзень летніх трансфэраў, 1 верасьня 2009 году, Ніка Краньчар перайшоў з «Портсмуту» ў «Тотэнгэм Готспур». Сума ўгоды паміж клюбамі склала 2,5 млн фунтаў стэрлінгаў^[6]. Пасьля пасьпяховага сэзона 2009—2010 гадоў, Ніка трывала асеў на лаўцы запасных каманды Гары Рэднапа й у лістападзе 2010 году зьявілася інфармацыя, што ён і Дэйвід Бэнтлі будуць прададзеныя ў зімовае трансфэрнае вакно.

«Дынама» Кіеў

6 чэрвеня 2012 году Ніка Краньчар перайшоў ва ўкраінскі клюб «Дынама» (Кіеў). Кантракт быў падпісаны тэрмінам на 4 гады. Кампэнсацыя за пераход, паводле неафіцыйных зьвестак, склала 7 млн эўра, а гадавая заробная плата гульца — 2 мільёны^[7].

Міжнародная кар’ера

Ніка дэбютаваў у складзе нацыянальнай зборнай Харватыі 18 жніўня 2004 году ў таварыскім матчы супраць зборнай Ізраілю.

Дасягненьні

«Дынама» Загрэб:

• Чэмпіён Харватыі: 2003
• Уладальнік Кубка Харватыі: 2001, 2002, 2004
• Уладальнік Супэркубка Харватыі: 2002, 2003

«Хайдук»:

• Чэмпіён Харватыі: 2005
• Уладальнік Супэркубка Харватыі: 2005

«Портсмут»:

• Уладальнік Кубка Ангельшчыны: 2008