Оская вобласьць

Оская вобласьць (па-кыргыску: Ош облусу, па-расейску: Ошская область) — адміністрацыйна-тэрытарыяльная адзінка Кыргыстану, вобласьць. Разьмешчаная ў паўднёвай частцы краіны. Адміністрацыйны цэнтар — Ош.

Оская вобласьць
кырг. Ош облусу, рас. Ошская область
Герб
Агульныя зьвесткі
Краіна	Кыргыстан
Статус	вобласьць
Адміністрацыйны цэнтар	Ош
Улучае	7 раёнаў
Дата ўтварэньня	21 лістапада 1939
Губэрнатар	Сааранбай Жээнбекаў[1]
Насельніцтва (2011)	1 130 900 чал.
Шчыльнасьць	38,73 чал./км²
Плошча	29 200 км² км²
Месцазнаходжаньне Оскае вобласьці
Мэдыя-зьвесткі
Часавы пас	+6
Код ISO 3166-2	KG-О
Код аўтам. нумароў	О
Афіцыйны сайт
Дадатковыя мультымэдыйныя матэрыялы

Мяжуе з Баткенскай (на паўднёвым захадзе), Джалал-Абадзкай (на поўначы) ды Нарынскай (на паўночным усходзе) вобласьцямі. На паўночным захадзе праходзіць мяжа Кыргыстану з Узбэкістанам, на поўдні — з Таджыкістанам, на ўсходзе — з Кітаем. Разам з гэтым, вызначаная частка Кара-Суйскага раёну вобласьці, рэгіён Барак, поўнасьцю аточаны суседнім Андыжанскім вілаятам Узбэкістану, зьяўляючыся такім чынам анклявам Кыргыстану ва Ўзбэкістане.