Палацава-паркавы комплекс Патоцкіх (Жодзішкі)

Палацава-паркавы комплекс Патоцкіх — помнік архітэктуры і садова-паркавага мастацтва першай паловы XVIII—XIX стагодзьдзяў у Жодзішках. Знаходзіцца ў цэнтры колішняга мястэчка, на правым стромкім беразе Вяльлі пры ўтоку ў яе ракі Сьвятлянкі^[a]. Твор архітэктуры барока. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік грамадзянскай архітэктуры
Палацава-паркавы комплекс Патоцкіх
Краіна	Беларусь
Вёска	Жодзішкі
Каардынаты	54°37′16.78″ пн. ш. 26°26′36.55″ у. д.
Аўтар праекту	Тамаш Жаброўскі
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Палацава-паркавы комплекс Патоцкіх на мапе Беларусі Палацава-паркавы комплекс Патоцкіх

Гісторыя

Вялікае Княства Літоўскае

У 1708 годзе ўладальнікі Жодзішкаў Барбара (з Комараў) Мінкевіч (Міцкевіч) і яе сын Адам падаравалі сядзібу езуітам. У 1727 годзе апошнія збудавалі касьцёл Сьвятога Юды Тадэвуша, у 1745 годзе адкрылі музычную бурсу, у 1767 годзе — аптэку. У 1757—1766 гадох паводле праекту архітэктара Тамаша Жаброўскага збудавалі мураваны калегіюм.

Па ліквідацыі ордэна езуітаў (1773 год) у 1774 годзе калегіюм прыстасавалі пад сядзібу, якая перайшла да Патоцкіх (паводле іншых зьвестак, Ласкарысаў, Мілашэўскіх).

Пад уладай Расейскай імпэрыі

У 1830-я гады сядзіба перайшла ў валоданьне Бакшанскіх.

Найноўшы час

За савецкім часам у будынку палаца разьмясьцілася псыхіятрычная лякарня.

Архітэктура

Палац — помнік архітэктуры барока. Палац — прастакутны ў пляне 2-павярховы будынак, накрыты вальмавым дахам. Цэнтральны ўваход вылучаецца неглыбокім рызалітам з мансардай. Фасады падзяляюцца лучковымі аконнымі праёмамі і вузкімі лапаткамі ў прасьценках.

Плян галерэйны, памяшканьні перакрываюцца крыжовымі скляпеньнямі.

Парк

Парк пэйзажнага тыпу з дрэвамі мясцовых пародаў — ліпы, клёна, таполі ды іншых.

Галерэя

• Старая графіка
• 
  Ю. Азямблоўскі, 1833—1863 гг.
• 
  1871 г.
• 
  1871 г.

Гістарычныя здымкі

• Старыя здымкі
• 
  Ю. Чаховіч, 1866—1888 гг.
• 
  1909 г.
• 
  1915—1918 гг.
• 
  1917 г.

• 
  1917 г.
• 
  1917 г.
• 
  1917 г.
• 
  1917 г.

• 
  1928 г.
• 
  1928 г.
• 
  1928 г.
• 
  1928 г.

Заўвагі

1. Цяперашні афіцыйны адрас — вуліца Першамайская, 12А