Палац Сапегаў (Варшава)

Палац Сапегаў (па-польску: pałac Sapiehów w Warszawie) — адзін з палацаў, разьмешчаных у Новым горадзе, раёне Варшавы (Польшча). Палац раней належаў магнацкаму роду Сапегаў, якія і далі сваё імя палацу, цяпер у ім разьмешчана акруговая школа.^[1]

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Палац Сапегаў (неадназначнасьць).

Палац
Палац Сапегаў польск. pałac Sapiehów w Warszawie
Краіна	Польшча
Месцазнаходжаньне	Варшава
Каардынаты	52°15′15″ пн. ш. 21°00′24″ у. д.
Архітэктурны стыль	ракако
Аўтар праекту	Ёган Зыгмунт Дэйбель
Заснавальнік	Ян Фрыдэрык Сапега
Дата заснаваньня	1746 і XVIII стагодзьдзе
Будаваньне	1731—1746 гады
Статус	нерухомая славутасьць[d], provincial register of monuments[d] і гмінны рэестар помнікаў[d]
Палац Сапегаў на мапе Польшчы Палац Сапегаў
Палац Сапегаў на Вікісховішчы

Гісторыя

Палац бачны справа на карціне Бэрнарда Бэлёта, 1770 г.

Сад поруч палаца

Палац быў пабудаваны па замове Яна Фрыдэрыка Сапегі, канцлера вялікага літоўскага, архітэктарам Ёганам Зыгмунтам Дэйбелем у стылі ракако ў 1731—1746 гадах^[2] Ён узводзіўся ў францускім стылі гарадзкога палацу, гэтак званым асабняку. Тым часам ён складаўся зь пяцівосевага галоўнага будынку (corps de logis) і двух асобных будынкаў паміж палацам і вуліцай.^[1] Паміж 1741 і 1742 гадамі аднапавярховы будынак быў злучаны з палацавым комплексам, а паміж 1771 і 1790 гадамі і другі будынак узьяднаўся з галоўным corps de logis.

У 1818—1820 гадах да палацу была зроблена прыбудова, дзе разьмясьціліся Сапескія казармы (Koszary sapieżyńskie).^[2] Пераўтварэньне будынку ў нэаклясычным стылі было справай рук архітэктара Вільгельма Гэнрыка Мінтэра.^[3] Падчас паўстаньня 1830—1831 гадоў палац служыў казармай для польскага 4-га пяхотнага палку (Czwartacy).^[2]

Разбураны ў 1944 годзе нямецкімі нацыстамі, палац быў адноўлены ў 1950-я гады Марыяй Захватавіхавай^[2].