Палац Сташыца

Палац Сташыца (па-польску: Pałac Staszica) — палац у Варшаве.

Славутасьць
Палац Сташыца
Краіна	Польшча
Горад	Варшава
Адрас	вуліца Новы Сьвет[d] (72) і Сьвятакрыская вуліца[d] (4)
Каардынаты	52°14′16″ пн. ш. 21°01′06″ у. д.
Архітэктурны стыль	нэаклясыцызм
Аўтар праекту	Антоніё Карацы (1820), Уладзімер Пакроўскі (1890), Марыян Лялевіч (1924)
Заснавальнік	Станіслаў Сташыц
Дата заснаваньня	1820
Будаваньне	1820—1823 гады
Статус	нерухомая славутасьць[d][1]
Палац Сташыца на мапе Польшчы Палац Сташыца
Палац Сташыца на Вікісховішчы

Гісторыя

Палац Сташыца, перабудаваны ў псэўдарускім стылі. 1890—1924.

Пабудаваны ў 1820—1823 гадах па замове Станіслава Сташыца. Будынак узьведзены ў клясычным стылі па праекце архітэктара Антоніё Караццы. Будынак быў пераданы Сташыцам варшаўскаму Таварыству сяброў навукі — першай польскай навуковай арганізацыі.

У 1830 годзе перад будынкам быў адкрыты помнік Мікалаю Капэрніку работы скульптара Бэртэля Торвальдсэна.

Пасьля Польскага паўстаньня 1830 году таварыства сяброў навукі было закрытае, у будынку разьмягчалася кіраўніцтва дзяржаўнай лятэрэі.

У 1857—1862 гадах у будынку разьмяшчалася Варшаўская мэдыка-хірургічная акадэмія. У канцы XIX ст. у будынку разьмяшчалася 1-я мужчынская гімназія (расейская). У 1890 годзе сэнатар А. Л. Апухцін прапанаваў перабудаваць будынак у псэўдарускім стылі, што і было зроблена па праекце архітэктара Ўладзімера Пакроўскага. У будынку была ўстроеная дамавая царква Сьвятой Тацьцяны.

У 1924—1926 гадах будынак быў перабудаваны ў нэаклясычным стылі па праекце Марыяна Лялевіча. У міжваенныя гады ў будынку разьмяшчалася некалькі навуковых арганізацыяў: Варшаўскае навуковае таварыства, каса ім. Мяноўскага, Дзяржаўны мэтэаралягічны інстытут і Археалягічны музэй Варшавы.

Палац быў пашкоджаны падчас аблогі Варшавы ў 1939 годзе і сур’ёзна пашкоджаны ў 1944-м падчас Варшаўскага паўстаньня.

У 1946—1950 гадах палац быў адноўлены. У цяперашні час будынак належыць Польскай акадэміі навук.