Пардубіцы

Па́рдубіцы (па-чэску: Pardubice) — горад у цэнтры Чэхіі. Горад вядомы як прамысловы цэнтар, бо тут працуюць нафтаперапрацоўчы завод.

Пардубіцы
чэск. Pardubice
Герб Пардубіцаў Сьцяг Пардубіцаў
Дата заснаваньня:	1295
Краіна:	Чэхія
Край:	Пардубіцкі
Кіраўнік:	Ян Надрхал[d]
Плошча:	77,71 км²
Вышыня:	237 м н. у. м.
Насельніцтва (2014)
колькасьць:	89 432 чал.
шчыльнасьць:	1150,84 чал./км²
Часавы пас:	UTC+1
летні час:	UTC+2
Тэлефонны код:	(420) 40
Паштовы індэкс:	530 01
Нумарны знак:	E
Геаграфічныя каардынаты:	50°2′0″ пн. ш. 15°47′0″ у. д.
Пардубіцы на мапе Чэхіі Пардубіцы
Галерэя здымкаў у Вікісховішчы
http://www.mesto-pardubice.cz/

Гісторыя

Касьцёл сьвятога Барталямэя.

Першая пісьмовая згадка пра Пардубіцы датуецца 1295 годам калі папа Баніфацыюс VIII узяў пад апеку мясцовы касьцёл Сьвятога Барталямэя з ордэнам рэгулярных канонікаў Пакаяньня Блажэнных Мучанікаў. У першай палове XIV стагодзьдзя паселішча было набытае шляхетнай сям’ёй, пазьней вядомай як лорды Пардубіцкія. У 1340 годзе, калі Пардубіцы былі атрыманыя ў спадчыну Арнаштам Пардубіцкім, яны ўпершыню згадваюцца як горад^[1][2].

У 1491 годзе места было набытае Вілемам II Пэрнштэйнам, які працягнуў пашыраць горад і зрабіў значны ўнёсак на ягоны росквіт. Ён абраў Пардубіцы месцам для свайго маёнтка і пачаў адбудоўваць горад, які адпавядаў ягонаму статусу. Сям’я Пэрнштэйнаў пабудавала ўвесь гістарычны цэнтар з пляцам у стылі Адраджэньня. Яны таксама перабудавалі сярэднявечны замак у зручную ўмацаваную рэзыдэнцыю. У 1560 годзе Пэрнштэйны былі вымушаныя прадаць маёнтак імпэратару Фэрдынанду I праз даўгі^[2]. За часам Трыццацігадовай вайны горад быў абложаны войскам генэрала Ленарта Торстэнсана, але ня быў скараны^[2].

Важным этапам у гісторыі места стаў 1845 год, калі была завершанае будаўніцтва чыгункі з Прагі ў Оламаўц. Пардубіцы стаў важным чыгуначным вузлом, што прывяло да разьвіцьця харчовай, машынабудаўнічай і хімічнай прамысловасьці, а затым і да ўздыму сацыяльнага і культурнага жыцьця. У 1874 годзе ўпершыню адбыліся скачкі коннага спорту, вядомыя як Вялікая Пардубіцкая. У 1910 годзе Ян Кашпар зьдзейсьніў тут першы пасьпяховы палёт у Чэхіі, а праз год ён увайшоў у гісторыю, зрабіўшы першы далёкамагістральны рэйс з Пардубіцаў у Прагу^[2]. Да 1918 году горад уваходзіў у склад Аўстра-Вугоршчыны. Быўшы цэнтрам Пардубіцкай акругі, ён быў адным з 94 акругаў Багеміі. У міжваенны час Пардубіцы працягваў разьвівацца, пакуль ягоны росквіт не перапыніўся з пачаткам Другой сусьветнай вайны. У час вайны горад бамбаваўся хаўрусьнымі сіламі, бо тут месьціўся нафтаперапрацоўчы завод^[2].