Патрык Зюскінд

Патрык Зюскінд (па-нямецку: Patrick Süskind; 26 сакавіка 1949, Амбах) — нямецкі пісьменьнік і кінасцэнарыст.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Зюскінд.

Патрык Зюскінд
Асабістыя зьвесткі
Нарадзіўся	26 сакавіка 1949(1949-03-26)[1][2][3][…] (76 гадоў) Амбах[d], Мюнзінг[d], раён Бад-Цёльц-Вольфратсгаўзен[d], Верхняя Баварыя[d], Баварыя, Бізонія[d], Нямеччына ў 1945—1949 гадах[d], Нямеччына[4][1]
Літаратурная дзейнасьць
Род дзейнасьці	пісьменьнік, сцэнарыст, драматург, перакладнік, навэліст
Гады творчасьці	1980 — цяпер
Мова	нямецкая[5], француская мова, ангельская і гішпанская мова
Узнагароды	Toucan Prize[d] (1978) Сусьветная прэмія фэнтэзі за найлепшы раман[d] (1987)
Патрык Зюскінд у Вікісховішчы

Жыцьцяпіс

Нарадзіўся ў сям’і пісьменьніка Вільгельма Эмануэля Зюскінда у мястэчку Амбах. Атрымаў музычную адукацыю, вывучаў гісторыю ў Мюнхэнскім унівэрсытэце. Пазьней вучыўся ў Экс-ан-Правансе (Францыя). Зьмяніў шмат прафэсій — працаваў у патэнтным аддзеле фірмы Siemens, тапёрам у танцавальнай зале, трэнэрам па настольным тэнісе.

Посьпех прыйшо ўлетам 1980 году пасьля выхаду першага твору — аднаактавага маналёгу «Басэтля», больш вядомая ў расейскім перакладзе, як «Кантрабас» . П’еса атрымала шырокі розгалас, была пастаўлена на многіх сцэнах розных краін. Пастаўлена была «Басэтля» і ў Менску ў студыі Рыда Таліпава.

Больш як дзесяць гадоў Зюскінд пісаў сцэнары для тэлебачаньня ФРГ. Разам з Гэльмутам Дытлем Зюскінд напісаў некалькі сцэнараў да мастацкіх фільмаў.

У 1985 годзе выйшаў раман «Парфума» («Парфумэр»), які за кароткі час зрабіўся бэстсэлерам заходняй літаратуры і быў перакладзены больш чым на два дзясяткі моваў. У 1986 годзе выйшла ў друку эсэ «Амнэзія in litteris», у 1987 г. — навэла «Галубка», у 1991 г. — кніга «Гісторыя пра пана Зомэра».

Васілём Сёмухам на беларускую мову перакладзены таксама яго «Двубой».

Жыве ў Мюнхэне і Парыжы, друкуецца выключна ў Швайцарыі. Ён сябра нямецкага ПЭН-клюбу, у 1986 г. атрымаў у Парыжы прэмію імя Гутэнбэрга ў намінацыі лепшага замежнага раману.

Беларускія пераклады

• Басэтля. Парфума / Пераклад з нямецкай Васіль Сёмуха. — Мн.: Выдавец Зьміцер Колас, 2017.