Паўазер’е

Паўазер’е — возера ў Ушацкім раёне Віцебскай вобласьці на мяжы зь Бешанковіцкім раёнам. Знаходзіцца за 28 км на ўсход ад Ушачаў, каля вёскі Паўазер’е. Належыць да групы Ушацкіх азёр.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Паўазер'е (неадназначнасьць).

Возера Паўазер’е Краіна Беларусь Плошча 8 км² Плошча вадазбору 30,9 км² Максымальная глыбіня 17 м Найбольшая даўжыня 4,8 км Найбольшая шырыня 1,9 км Даўжыня берагавой лініі 17,9 км Аб’ём вады 38,8 млн м³ Каардынаты 55°7′51.97″ пн. ш. 29°5′22.43″ у. д. Паўазер’е на мапе Беларусі Паўазер’е

Галерэя здымкаў у Вікісховішчы

Возера знаходзіцца ў басэйне ракі Тураўлянка. Плошча Паўазер’я складае 8 км². Найбольшая глыбіня возера — 17 м. Даўжыня возера — 4,8 км, найбольшая шырыня — 1,9 км. Даўжыня берагавой лініі — 17,9 км. Аб’ём вады ў возеры складае 38,8 млн м³, плошча вадазбору возера — 30,9 км².

Схілы катлавіны возера маюць вышыню 2—8 м, часткова разараныя. Па поўначы і паўночным захадзе вышыня схілаў сягае 20—25 м, схілы парослыя лесам.

Берагі возера нізкія, пяшчаныя, знаходзяцца пад хмызьняком. На пэўных участках берагі зьліваюцца з схіламі.

Дно вадаёма высланае спапрапэлем, на найбольшых глыбінях дно глеістае. Мелкаводзьдзе возера да глыбіні 1 м пячанае, да глыбіні 2 м дно высланае пяшчанымі адкладаньнямі. На поўначы распаўсюджанасьць пяшчаных адкладаньняў пашыраная да глыбіні 3 м.

Возера мае 2 невялікія выспы.

Прыбярэжная расьліннасьць пашыраная да глыбіні 3—4 м.

У Паўазер’е ўпадаюць ручаі з азёраў Любжанскае, Калесіна і яшчэ аднаго возера бяз назвы. Выцякае ручай у возера Крывое. Таксама Паўазер’е злучанае канавай з возерам Мугірына.