Паўлікені

Паўліке́ні (па-баўгарску: Павликени) — места ў Вялікатырнаўскай вобласьці Баўгарыі, адміністрацыйны цэнтар аднайменнае грамады. Знаходзіцца за 41 кілямэтар ад Вялікага Тырнава. Насельніцтва на 31 сьнежня 2009 году — 11 151 чалавек^[1].

Паўлікені
баўг. Павликени
Краіна:	Баўгарыя
Вобласьць:	Вялікатырнаўская
Грамада:	Паўлікені
Плошча:	42,221 км²
Вышыня:	144 м н. у. м.
Насельніцтва (2009)
колькасьць:	11 151 чал.[1]
шчыльнасьць:	264,11 чал./км²
Часавы пас:	UTC+2
летні час:	UTC+3
Тэлефонны код:	0610
Паштовы індэкс:	5200
ЕКАТТЕ:	55052
Нумарны знак:	ВТ
Геаграфічныя каардынаты:	43°14′15.101″ пн. ш. 25°18′26.590″ у. д.
Паўлікені на мапе Баўгарыі Паўлікені
Галерэя здымкаў у Вікісховішчы
Афіцыйная бачына

Мінуўшчына

У XIII—XIV стагодзьдзях на месцы сучаснага Паўлікені паўстала вёска Марынапольцы. Неўзабаве вёска атрымала назву Паўлікян паводле сваіх жыхароў, што зьяўляліся адэптамі хрысьціянскае сэкты паўліцыянаў.

У часе асманскага кіраваньня насельніцтва вёскі значна павялічылася за кошт туркаў, якія намерваліся зрабіць яе чыста турэцкай. Пасьля вызваленьня Баўгарыі (1877—1878) турэцкае насельніцтва было замененае баўгарамі з Балканаў і вёсак раўнін, Паўлікені стаў разьвівацца як цэнтар рамяства і гандлю. У 1943 року яму быў нададзены статус места. У значнай ступені да гэтага спрычынілася яго разьмяшчэньне на чыгунцы Сафія — Варна.

Гарады-пабрацімы

• Пружаны, Беларусь^[2][3] (з 26 лістапада 2000)

Асобы

• Мікола Гюзелеў — опэрны сьпявак
• Кірыл Ракараў — футбаліст нацыянальнай футбольнай зборнай