Пескаўскі сельсавет (Мастоўскі раён)

Пе́скаўскі сельсавет — адміністрацыйна-тэрытарыяльная адзінка ў складзе Мастоўскага раёну Гарадзенскай вобласьці. Цэнтар савету — вёска Пескі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пескаўскі сельсавет.

Пескаўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Пескі
Дата ўтварэньня	12 кастрычніка 1940
Насельніцтва	▲2328 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка (па іншых зьвестках 21 кастрычніка) 1940 году ў складзе Мастоўскага раёну Баранавіцкай вобласьці БССР (10 вёсак, 4168 жыхароў). З 20 верасьня 1944 году ў складзе Гарадзенскай вобласьці. З 6 студзеня 1965 году ў Мастоўскім раёне.

28 жніўня 2013 году ў склад сельсавету перададзеныя населеныя пункты — Агароднікі, Бялавічы, Дамянішкі, Зарудаўе, Міжава, Старына — ліквідаванага Зарудаўеўскага сельсавету; а таксама ўсе населеныя пункты — Боркі, Войдзевічы, Вялікая Рагозьніца, Забалацьце, Лаўры, Ліхінічы, Логнавічы, Лявонавічы, Малая Рагозьніца, Парфенавічы, Пацавічы, Самуйлавічы Горныя, Самуйлавічы Дольныя — ліквідаванага Пацавіцкага сельсавету^[1].