Прамэтэй

Прамэтэ́й (стар.-грэц. Προμηθεύς, таксама Прамэфэй) — у старажытнагрэцкай міталёгіі^[1] тытан, абаронца людзей ад дэспатызму багоў. Ён хацеў, каб багі не перашкаджалі людзям жыць уласным жыцьцём. Сын Япэта і Клімэны (па Апалядору, Асіі^[2]). Па Эсхілу, сын Тэміды-Геі^[3]. Па Эўфарыёну, сын Геры і тытана Эўрымэдонта^[4]. Яго жонка Гесыёна^[5].

Арол выядае печань Прамэтэя. Карціна Якаба Ярдана, прыкл. 1640

Імя тытана «Прамэтэй» азначае «думаючы сьпярша», «той, які прадбачвае» (у процілежнасьць імені яго брата Эпімэтэя, «думаючага пасьля») і зьяўляецца вытворным ад індаэўрапейскага корня me-dh-, men-dh-, «разважаць», «пазнаваць»^[6].