Прастытутка (фільм, 1926)

Прастыту́тка (па-расейску: «Проститутка»), іншая назва Забі́тая жыцьцём (рас. «Убитая жизнью») — чорна-белы нямы мастацкі фільм рэжысэра Алега Фрэліха. Выпушчаны ў 1926 року «Белдзяржкіно», стаў першым беларускім фільмам.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Прастытутка.

Прастытутка
па-расейску: «Проститутка»)
Жанр	нямое кіно і драматычны фільм
Рэжысэр	Алег Фрэліх[d]
Сцэнарыст	Ной Галкін[d] Віктар Шклоўскі[d]
У ролях	Вера Арлова[d]
Апэратар	Альфонс Вінклер[d]
Мантаж	Эсьфір Шуб[d]
Вытворчасьць	Беларусьфільм
Дата выхаду	1926
Працягласьць	77 хвіліна[1]
Краіна	СССР
Мова	бяз гуку
Старонка на IMDb

Зьмест

Падзеі адбываюцца ў часы росквіту НЭПу. У ваколіцах Масквы шчасьліва жыве сям’я Тыркіных. Пётар працуе ў рэзьніка-прыватніка Кандрацева, Надзея гаспадарыць і выхоўвае дваіх маленькіх дзяцей. У тым жа будынку ў далёкай сваячкі Варвары жыве сірата Люба. «Цётка» эксплюатуе і б’е дзяўчыну, за грошы дапамагае суседу спакусіць яе і ўрэшце рэшт выганяе на вуліцу…

У ролях

Актор	Роля
Лізавета Яраш	Люба Люба
Вера Арлова	Надзея Тыркіна Надзея Тыркіна
Вольга Бонус	Варвара цётка Варвара
Васіль Яраслаўцаў	Пётар Тыркін Пётар Тыркін
Алена Шарамецьева	Манька Манька
Аляксандар Лядашчаў	Шура Шура
Іван Лагуцін	Васіль Дзьмітрыч сусед Васіль Дзьмітрыч
Павал Там	Кандрацьеў рэзьнік Кандрацьеў
Лізавета Цяплых	гаспадыня прытону
Л. Красіна	Бірман доктар Бірман
Марк Данскі	мінак
Алег Фрэліх	мінак

Здымачная група

• Сцэнарысты: Ной Галкін, Лізавета Дземідовіч
• Рэжысэр: Алег Фрэліх
• Аўтар надпісаў: Віктар Шклоўскі
• Апэратар: Альфонс Вінклер
• Мастакі: А. Сьмірноў, Дані
• Мантаж: Эсьфір Шуб
• Мультыплікацыя — Найдзіч

Успрыняцьце

Нягледзячы на посьпех у гледачоў, тагачасныя крытыкі ўспрынялі фільм ня надта ўхвальна, а некаторыя ўбачылі ў ім уплыў «буржуазных нямецкіх псэўданавуковых фільмаў»^[2].

У цыркуляры, датаваным 1937 рокам, «Белдзяржкіно» рапартавала ў Маскву кіраўніку галоўнай управы кінапрамысловасьці СССР Барысу Шумяцкаму пра абясшкоджаньне «варожых» фільмаў. Забарона Прастытуткі матывавалася тым, што яна «палітычна няверная»^[2].

Цікавае

• Прастытутка аспрэчвае славу першага мастацкага беларускага фільму са стужкай Лясная быль. Работа над Прастытуткай пачалася раней, і ва ўсесаюзны пракат яна таксама трапіла першай, аднак Лясную быль першай паказалі ў Менску^[2].
• Вялікі (параўнальна да ўсяго фільму) эпізод прысьвечаны лекцыі «пра сацыяльную шкоду прастытуцыі і спосабы пазбаўленьня ад яе». Эпізод выраблены з дапамогай мультыплікацыі і шырокай тагачаснай статыстыкі.
• Тытры ў фільме зробленыя адначасна па-расейску, ангельску і кітайску.