Прафэсійнае згуртаваньне беларусаў Брытаніі

Прафэсійнае згуртаваньне беларусаў Вялікабрытаніі (PUBB) – гэта клюб беларускіх прафэсійных спэцыялістаў, які базіруецца ў Лёндане.

PUBB быў створаны ў кастрычніку 2009 года з падвойнай мэтай:

• садзейнічаньне асабістым, сацыяльным і дзелавым сувязям паміж беларускімі спэцыялістамі, якія працуюць у Вялікабрытаніі, і іх сувязям з Беларусьсю; і
• стварэньне асяроддзя, якое спрыяе карыстаньню беларускай мовай беларускімі спэцыялістамі ў Вялікабрытаніі.

Сярод сяброў клюбу – банкіры, мэнэджэры актываў, бугальтары, юрысты, спэцыялісты ў сыравінай галіне, страхаваньні, ІТ і сувязях з грамадзкасьцю (PR), навукоўцы, архітэктары і іншыя.^[1][2]

У клюбе праводзяцца рэгулярныя сустрэчы і мерапрыемствы, у тым ліку прэзэнтацыі запрошаных прамоўцаў з Вялікабрытаніі, Беларусі і іншых краін на прафэсійныя і зьвязаныя з Беларусьсю тэмы.^[3][4]

Клюб падтрымлівае Беларускую дэмакратычную апазыцыю і Пратэсты ў Беларусі (2020–2021). У 2022 годзе КДБ абвясьціў PUBB экстрэмісцкім фармаваньнем.

Гл.таксама

• Ангельска-беларускае таварыства
• Беларуская бібліятэка і музэй імя Францішка Скарыны
• Згуртаваньне беларусаў у Вялікай Брытаніі