Прылуцкі заказьнік

Прылу́цкі зака́зьнік — рэспубліканскі біялягічны заказьнік Беларусі, абвешчаны ў студзені 1977 году на паўднёвым захадзе Менскага раёну.

Прылуцкі заказьнік
18 ліпеня 2020 году
Плошча	523,06 га
Краіна	Беларусь
Геаграфічныя каардынаты	53° пн. ш. 27° у. д. / 53; 27
Месцазнаходжаньне	Менскі раён
Утварэньне	20 студзеня 1977 (48 гадоў таму)
Прылуцкі заказьнік на мапе Беларусі Прылуцкі заказьнік

Месьціцца на захад ад Шчомысьліцы. Улучаў насаджэньні інтрадукаваных лясных культураў пачатку ХХ стагодзьдзя. На 2001 год узрост лесапасадак складаў 30—100 гадоў. Зь мясцовых пародаў пераважалі чыстыя і мяшаныя насаджэньні хвоі і елкі, летняга дубу і ясеню. Зь інтрадукаваных відаў расьлі сыбірская і эўрапейская лістоўніцы, хвоі Мурэя і вэймутавы, дугласія і канадзкая елка, чырвоны дуб і пэнсыльванскі ясень, манчжурскі гарэх і амурскі аксаміт, валасістаплодная і канадзкая таполі^[1].