Шчомысьліца

Шчо́мысьліца^[1] — вёска ў Менскім раёне Менскай вобласьці, на скрыжаваньні шашы Р1 з Н9057, за 2 км на паўднёвы захад ад МКАДу. Шчомысьліца ўваходзіць у склад і зьяўляецца цэнтрам Шчомысьліцкага сельсавету.

Шчомысьліца
трансьліт. Ščomyślica
Краіна:	Беларусь
Вобласьць:	Менская
Раён:	Менскі
Сельсавет:	Шчомысьліцкі
Вышыня:	220 м н. у. м.
Насельніцтва:	1779 чал. (2010)
Часавы пас:	UTC+3
Тэлефонны код:	+375 17
Паштовы індэкс:	223049
СААТА:	6236880091
Нумарны знак:	5
Геаграфічныя каардынаты:	53°49′14″ пн. ш. 27°27′6″ у. д.
Шчомысьліца на мапе Беларусі ± Шчомысьліца Шчомысьліца
Галерэя здымкаў у Вікісховішчы

Гісторыя

У 2009 годзе плянавалася, што вёска і тэрыторыя вакол стане новым жылым мікрараёнам Менску^[2], да ўзьвядзеньня якога прыступяць у 2011 годзе. Раён-новабудоўля будзе разьлічаны на 50 тыс. чалавек. У канцы 2013 году плянавалася ўвесьці ў эксплюатацыю новую станцыю Менскага мэтрапалітэну — «Шчомысьліца», якая будзе ісьці за станцыяй «Малінаўка». Таксама меркавалася будоўля новага нацыянальнага футбольнага стадыёну на 30 тыс. месцаў з магчымасьцю трансфармацыі да 40 тыс. месцаў. Побач са стадыёнам прадугледжвалася пабудаваць Нацыянальны выстаўны цэнтар.^[3] Пасьля зьменаў у генэральным пляне Менску ў 2015 годзе гэты праект быў адменены^[4].

Насельніцтва

• 1999 год — 1569 чалавек
• 2010 год — 1779 чалавек

Транспарт

Маецца чыгуначная станцыя.

Прырода

На захад ад Шчомысьліцы за выставачным комплексам месьціцца Прылуцкі заказьнік.