Прэзыдэнцкія выбары ў Польшчы 2020 году

Прэзыдэ́нцкія выбары ў Польшчы 2020 году — выбары прэзыдэнта Польшчы, прызначаныя на 28 чэрвеня 2020 року. Другі тур пры патрэбе заплянаваны на 12 ліпеня.

← 2015   2025 →

Прэзыдэнцкія выбары ў Польшчы

28 чэрвеня 2020

Умовы

Пастанова Маршалка Сэйму Польшчы пра прызначэньне выбараў

Паводле Канстытуцыі Польшчы прэзыдэнцкія выбары мусяць адбыцца ў выходны дзень за 75—100 дзён да даты сканчэньня дзеяньня паўнамоцтваў цяперашняга прэзыдэнта (6 жніўня 2020 року). Калі ніводзін з кандыдатаў не набярэ больш за палову галасоў, праз 2 тыдні мае прайсьці другі тур, у якім возьмуць удзел два кандыдаты, якія набралі найбольшую колькасьць галасоў у першым туры^[1][2].

У сувязі з эпідэміяй каранавіруснай інфэкцыі-19 у Польшчы выбары былі перанесеныя з 10 траўня на 28 чэрвеня.

Паводле Выбарчага кодэксу Польшчы кандыдатам у прэзыдэнты магла быць асоба, якая сабрала ня меней за 100 тысячаў подпісаў грамадзянаў, што маюць права быць абранымі ў Сэйм. Для збору подпісаў ствараўся выбарчы камітэт лікам ня менш за 15 асобаў. Падача сабраных подпісаў адбывалася да 26 сакавіка 2020 року, пасьля чаго былі зарэгістраваныя 10 кандыдатаў^[3].

Кандыдаты

Зарэгістраваныя кандыдаты
Фота	Імя	Век	Адукацыя	Партыйная прыналежнасьць	Выказалі падтрымку	Выбарчы дэвіз
	Робэрт Бедрань(be)	44	вышэйшая паліталягічная (магістар)	Вясна Робэрта Бедраня	Вясна Робэрта Бедраня Саюз дэмакратычнай лявіцы[4] Лявіца Разам[4] Польская сацыялістычная партыя[5]	Нічога пра вас бяз вас; Бясьпечная Польшча ў аб’яднанай Эўропе
	Кшыштаф Босак	38	сярэдняя	Канфэдэрацыя Свабода і Незалежнасьць, Нацыянальны рух	Канфэдэрацыя Свабода і Незалежнасьць КОРВіН Нацыянальны рух	Наперад, Польшча!
	Анджэй Сэбастыян Дуда	48	вышэйшая юрыдычная (доктар)	беспартыйны	Права і справядлівасьць[6] Паразуменьне Яраслава Говіна[7] Салідарная Польшча[8] Задзіночаньне хрысьціянскіх сем’яў[9]	Прэзыдэнт польскіх справаў; Няхай жыве Польшча!
	Шыман Францішак Галоўня	43	сярэдняя	беспартыйны		Галавой і сэрцам; Пакаленьні, а не скліканьні; Прэзыдэнт розных палякаў; Царква і ўлада на сваіх месцах
	Марэк Якубяк	61	сярэдняя	Фэдэрацыя для Рэчы Паспалітай	Фэдэрацыя для Рэчы Паспалітай
	Уладыслаў Марцін Косіняк-Камыш	38	вышэйшая мэдычная (доктар)	Польская народная партыя	Польская народная партыя Унія эўрапейскіх дэмакратаў[10] Сылезцы разам[11]	Польская агульная справа; Надзея для Польшчы
	Міраслаў Марыюш Пятроўскі	54	вышэйшая гістарычная (ган. доктар)	Рух Сапраўдная Эўропа	Рух Сапраўдная Эўропа	Навачасны кансэрватызм; Прэзыдэнт бясьпечнага заўтра
	Павал Ян Танайна	44	вышэйшая ў галіне кіраваньня (магістар)	беспартыйны	Непасрэдная дэмакратыя[12]	Новы прэзыдэнт
	Рафал Казімер Траскоўскі	48	вышэйшая ў міжнародных стасунках (доктар)	Грамадзянская плятформа	Грамадзянская плятформа Сучасная[13] Польская ініцыятыва[14] Партыя зялёных[15] Дэмакратычная партыя[16] Польская сацыял-дэмакратыя[17] Свабода і роўнасьць[17]	Моцны прэзыдэнт, адзіная Польшча
	Вальдэмар Уладзімер Віткоўскі	66	вышэйшая тэхнічая (магістар)	Унія працы	Унія працы Польская лявіца[18] Нацыянальная партыя адстаўнікоў і пэнсыянэраў[19]	Чалавек важнейшы за капітал
	Станіслаў Юзэф Жуўтак	64	сярэдняя	Кангрэс новай правіцы, PolEXIT	Кангрэс новай правіцы PolEXIT

Вынікі