Прэзыдэнцкія выбары ў Польшчы 2025 году

Прэзыдэ́нцкія выбары ў Польшчы 2025 году — выбары прэзыдэнта Польшчы, якія прайшлі ў 2 колы 18 траўня і 1 чэрвеня 2025 року^[1].

← 2020   2030 →
Прэзыдэнцкія выбары ў Польшчы
18 траўня і 1 чэрвеня 2025
Кандыдат	Караль Наўроцкі	Рафал Тшаскоўскі
Партыя	«Права і справядлівасьць»	«Грамадзянская плятформа»
Галасоў выбаршчыкаў	10 606 877	10 237 286
Адсотак	51 %	49 %
Вынікі па гмінах

У 2-м коле выбараў перамог Караль Наўроцкі, які набраў 50,9 % усіх галасоў^[2].

Права

Паводле Канстытуцыі Польшчы прэзыдэнцкія выбары павінныя адбыцца ў выходны дзень за 75—100 дзён да даты сканчэньня дзеяньня паўнамоцтваў цяперашняга прэзыдэнта Анджэя Дуды. Калі ніводзін з кандыдатаў не набярэ больш за палову галасоў, праз 2 тыдні мае прайсьці другі тур, у якім возьмуць удзел два кандыдаты, якія набралі найбольшую колькасьць галасоў у першым туры^[3][4].

Паводле Выбарчага кодэксу Польшчы кандыдатам у прэзыдэнты мажа быць асоба, якая сабрала ня меней за 100 тысячаў подпісаў грамадзянаў, што маюць права быць абранымі ў Сойм. Для збору подпісаў ствараўся выбарчы камітэт лікам ня менш за 15 асобаў.

Кандыдаты

Першымі асобы пра ўдзел у выбарах заявілі Славамір Мэнцэн і Марэк Якубяк. Пазьней, 13 лістапада 2024 году рашыў заявіць аб удзеле ў выбарах Сымон Галаўня^[5]. Сымон Галаўня быў трэцім у выбарах 2020 году^[6], дзе набраў 14 % галасоў выбарнікаў. Сымон Галаўня — член злучэньня, якое пануе ў Польшчы. Старшыня ўраду Польшчы Дональд Туск выказаў разуменьне да рашэньня Сымона Галаўні да ўдзелу ў выбарах^[7]. Найбольшыя грамады Польшчы не выставілі сваіх удзельнікаў выбараў^[8]:

• ПіС, магчымыя асобы — Матэвуш Маравецкі, Яраслаў Чарнецкі
• Грамадзянская кааліцыя — Рафал Траскоўскі, або Радаслаў Сікорскі.

Зарэгістраваныя кандыдаты
Фота	Імя	Узрост	Вучоба	Партыйная прыналежнасьць	Выказалі падтрымку	Выбарчы дэвіз
	Шыман Францішак Галоўня	48	сярэдняя	беспартыйны		яшчэ не агучанае
	Караль Наўроцкі	41	сярэдняя	беспартыйны		яшчэ не агучанае
	Марэк Якубяк	66	сярэдняя	Фэдэрацыя для Рэчы Паспалітай	Фэдэрацыя для Рэчы Паспалітай	яшчэ не агучанае

Першае кола галасаваньня

18 траўня 2025 году ў першым коле выбараў у 10-ку вылучэнцаў з найбольшым лікам галасоў трапілі:

1. Рафал Тшаскоўскі ад партыі «Грамадзянская плятформа» — 31,36 % (6 147 797);
2. Караль Наўроцкі ад партыі «Права і справядлівасьць» — 29,54 % (5 790 804);
3. Славамір Мэнцэн ад партыі «Новая надзея» — 14,81 % (2 902 448);
4. Гжэгаж Браўн ад партыі «Канфэдэрацыя польская кароны» — 6,34 % (1 242 917);
5. Шыман Галоўня ад партыі «Польшча 2050» — 4,99 % (978 901);
6. Адрыян Зандбэрг ад партыі «Разам» — 4,86 % (952 832);
7. Магдалена Беят ад партыі «Новая лявіца» — 4,23 % (829 361);
8. Крыштаф Саноўскі як незалежны тэлежурналіст — 1,24 % (243 479);
9. Яана Сянышын ад «Таварыства дэмакратычнай лявіцы» — 1,09 % (214 198);
10. Марэк Якубяк ад фракцыі «Свабодныя рэспубліканцы» — 0,77 % (150 698).

Вынікі 2-га кола

2 чэрвеня 2025 году Дзяржаўная выбарчая камісія Польшчы (ДВК) паведаміла пра абраньне польскім прэзыдэнтам Караля Наўроцкага, які набраў 50,9 % усіх галасоў^[2].