Пскоўская губэрня

Пскоўская губэрня — адміністрацыйная адзінка Расейскай імпэрыі. 8 чэрвеня [ст. ст. 28 траўня] 1772 году да падпісаньне дакумэнтаў дагавору пра падзел Расеяй, Аўстрыяй і Прусіяй з умовамі падзелу Рэчы Паспалітае Кацярына ІІ загадала стварыць Магілёўскую губэрню з Магілёўскай, Аршанскай, Віцебскай, Рагачоўскай правінцый (губэрнскі горад Магілёў) і Пскоўскую губэрню з Пскоўскай, Вялікалуцкай, Віцебскай, Дзьвінскай, Полацкай правінцыяў (губэрнскі горад Апочка) й прызначыла генэрала графа Захара Чарнышова Беларускім генэрал-губэрнатарам, а генэрал-маёра Міхаіла Кахоўскага Магілёўскім губэрнатарам і генэрал-маёра Міхаіла Крэчэтнікава Пскоўскім губэрнатарам.^[1][2]

Пскоўская губэрня
Псковская губернія
Герб
Агульныя зьвесткі
Краіна	Расейская імпэрыя
Статус	губэрня і губэрня Расейскай імпэрыі[d]
Адміністрацыйны цэнтар	Пскоў
Найбольшы горад	Пскоў
Дата ўтварэньня	1772—1777: Пскоўская губэрня са сталіцаю ў месьце Апочка; 1777—1796: Пскоўскае намесьніцтва; 1796—1927: Пскоўская губерня са сталіцаю ў Пскове
Дата скасаваньня	1 жніўня 1927
Афіцыйныя мовы	Расейская мова
Насельніцтва (1897)	1 122 317
Канфэсійны склад	Праваслаўе
Плошча	44 211,2 км²
Месцазнаходжаньне Пскоўскай губэрні
Дадатковыя мультымэдыйныя матэрыялы

29 верасьня [ст. ст. 18 верасьня] 1772 зацвердзілі штаты губернскій канцылярый.^[3][4] Але Апочка ня была аднак адпаведнай на губэрнскае места з прычыны малых памераў, і дзеля гэтага праз два месяцы 29 кастрычніка [ст. ст. 18 кастрычніка] 1772 губэрнскі ўрад быў перанесены ў Полацак. Полацак зрабіўся часова фактычным губэрнскім местам, дзе разьмяшчаліся ўсе губэрнскія ўстановы.^[5]

4 верасьня [ст. ст. 24 жніўня] 1776 году Пскоўскую губэрню (з цэнтрам у Апочке) пераназвалі ў Полацкую губэрню ў складзе Віцебскай, Дзьвінскай і Полацкай правінцыяў і ўтварылі Пскоўскую губэрню (цэнтар у Пскове ) з Пскоўскай правінцыі, Вялікалуцкай правінцыі, частак Санкт-Пецярбургскай губэрні й Ноўгародскай губэрні з новым кіраўніцтвам.^[6][7]

У 1924 годзе ўвайшла ў склад зноў утворанай Ленінградзкай вобласьці.

Па плошчы на 1914 займала 44211,2 км ² (38846,5 квадратных вёрст). Насельніцтва паводле дадзеных перапісу 1897 году — 1.122.317 чалавек. У 1900 гадах налічалася 1 млн. 188 тыс. жыхароў, прычым на долю мяшчанскага насельніцтва прыходзілася ўсяго толькі 86 тыс. чалавек, пераважала сялянства — больш за 93 адсоткаў агульнай колькасьці жыхароў.