Пэтар Ірачак

Пэ́тар І́рачак (па-чэску: Petr Jiráček; нар. 2 сакавіка 1986 году, Тухаржыцэ, Чэхаславаччына) — колішні чэскі футбаліст, паўабаронца. Былы гулец нацыянальнай зборнай Чэхіі.

Пэтар Ірачак
Пэрсанальная інфармацыя
Нарадзіўся	2 сакавіка 1986(1986-03-02)[1][2][3] (39 гадоў) Тухаржыцэ[d][2] або Сокалаў[d][4]
Рост	180 см
Вага	77 кг
Пазыцыя	паўабаронца
Клюбы
Гады	Клюб	Гульні (галы)¹
2006—2008	Банік Сокалаў[d]	40 (2)
2008—2012	Вікторыя Пльзень	100 (11)
2012	Вольфсбург	13 (2)
2012—2015	Гамбург	41 (2)
2015—2017	Спарта Прага	18 (0)
2016—2017	→ Ябланец	18 (1)
2017—2021	Зьлін	103 (6)
2021—2022	Просьцеёў[d]	27 (0)
Зборныя
2011—2014	Чэхія	28 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі. ² Колькасьць гульняў і галоў за нацыянальную зборную ў афіцыйных матчах, адкарэктавана на 18 ліпеня 2017.

Кар’ера

Раньнія гады

Кар’ера Пэтра пачалася ў моладзевай камандзе клюбу «Сокал» зь ягонага роднага гораду. Затым Ірачак стаў гульцом «Баніку» з Сакалова. Двойчы клюб аддаваў яго ў арэнду, у «Бульдоцы» й у «Славію». За моладзевы склад «Баніку» Пэтар выступаў на працягу дзесяці гадоў, а затым два гады гуляў у асноўнай камандзе. З 2008 па 2011 гады ён быў гульцом «Вікторыі» з Пльзені, у ейным складзе стаў чэмпіёнам Чэхіі.

«Вольфсбург»

У пачатку 2012 году гульца набыў нямецкі «Вольфсбург»^[5], у складзе «ваўкоў» Ірачак дэбютаваў 21 студзеня, у сустрэчы 18 туру супраць «Кёльну». Пэтар выйшаў у стартавым складзе й на 80-й хвіліне саступіў месца Жозуэ. 10 лютага Ірачак упершыню вызначыўся за «Вольфсбург», забіўшы 2 галы ў браму «Фрайбургу».

«Гамбург»

Улетку 2012 году перабраўся ў іншы нямецкі клюб «Гамбург».

Міжнародная кар’ера

У нацыянальнай зборнай Чэхіі Пэтар дэбютаваў 3 верасьня 2011 году ў адборачным матчы на ​​чэмпіянат Эўропы супраць зборнай Шатляндыі. Першы гол забіў праз 1,5 месяцы, паразіўшы браму зборнай Чарнагорыі.

Дасягненьні

«Вікторыя»:

• Чэмпіён Чэхіі: 2011
• Уладальнік Кубка Чэхіі: 2010
• Уладальнік Супэркубка Чэхіі: 2011