Пяршайка

Пяршайка — рака ў Беларусі, правы прыток ракі Іслачы (басэйн Нёману). Цячэ ў Валожынскім раёне Менскай вобласьці. Даўжыня 13 км. Плошча вадазбору 67 км². Сярэдні нахіл воднай паверхні 6,2‰^[1].

Рака

Пяршайка
Агульныя зьвесткі
Выток	каля в. Шараяў
Вусьце	Іслач
Краіны басэйну	Беларусь
Вобласьці	Менская вобласьць
Даўжыня	13 км

Прытокі — Баранаўка, Літанка (правыя). На рацэ стаіць гістарычнае мястэчка Пяршаі.

Пачынаецца каля вёскі Шараяў, цячэ заходнімі схіламі Менскага ўзвышша, упадае ў Іслач каля вёскі Яцкава-Карчомных. За 1 км на захад ад вёскі Пяршаяў на працягу 1,2 км уніз плыньню каналізаваная.