Пётар Зялінскі

Пётар Зялі́нскі (па-польску: Piotr Zieliński; нар. 20 траўня 1994 году) — польскі футбаліст, паўабаронца італьянскага клюбу «Інтэрнацыянале» і нацыянальнай зборнай Польшчы. Доўгі час гуляе ў Італіі, дзякуючы чаму добра вывучыў італьянскую мову.

Пётар Зялінскі
Пэрсанальная інфармацыя
Нарадзіўся	20 траўня 1994(1994-05-20)[1][2] (31 год) Замбкавіцы Сьлёнскія, Польшча
Рост	180 см
Вага	75 кг
Пазыцыя	паўабаронца
Клюбная інфармацыя
Клюб	Інтэрнацыянале
Нумар	7
Клюбы
Гады	Клюб	Гульні (галы)¹
2010—2011	Заглембе Любін	0 (0)
2012—2016	Удынэзэ	19 (0)
2014—2016	→ Эмпалі	63 (5)
2016—2024	Напалі	281 (37)
2024—4	Інтэрнацыянале	26 (2)
Зборныя
2009—2010	Польшча (да 16)[d]	6 (0)
2010—2011	Польшча (да 17)[d]	10 (1)
2011—2012	Польшча (да 19)[d]	15 (5)
2011—2012	Польшча (да 20)[d]	3 (1)
2012	Польшча (да 18)[d]	5 (1)
2012—2014	Польшча (да 21)[d]	7 (1)
2013—4	Польшча	99 (14)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 18 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 18 лістапада 2024.

Кар’ера

Клюбная

Зялінскі ў кашулі «Напалі» ў матчы Лігі чэмпіёнаў у 2019 годзе.

Пачаў займацца футболам у родным мястэчку Замбкавіцы Сьлёнске, дзе ягоным першым трэнэрам быў ягоны бацька. У веку 14 гадоў далучыўся да складу любінскага «Заглэмбе», не зважаючы на тое, што цікавасьць да гульца мелі нямецкі «Баер», а таксама нідэрляндзкія «Фэеноорд» і «Гээрэнвээн»^[3]. Выхаваньнем юнака у новым клюбе займаўся вядомы польскі трэнэр Францішак Смуда^[3]. У 17 гадоў Зялінскі пераехаў у Італію, дзе паступіў у акадэмію «Ўдынэзэ» на запрашэньне клюбу пасьля аднаго ж міжнародных турніраў^[3]. Прафэсійны дэбют гульца адбыўся 2 лістапада 2012 году, калі паляк замяніў на пляцоўцы Антоніё Дзі Натале на 91-й хвіліне матчу супраць «Кальяры»^[4]. У 2014 году часова выступаў за «Эмпалі» паводле пагадненьня арэнды.

4 жніўня 2016 году пасьля некалькіх месяцаў чутак Зялінскі далучыўся да «Напалі», што каштавала клюбу 16 мільёнаў эўра^[5]. 3 сьнежня паўабаронца забіў свой першы гол у кашулі нэапалітанцаў, калі была здабыта хатняя перамога над «Інтэрам» зь лікам 3:0^[6]. Свой першы сэзон спартовец скончыў з шасьцю галамі на рахунку. 31 жніўня 2020 году падоўжыў кантракт з «Напалі» да 2024 году. Наступнымі гадамі гулец стаўся больш значнай постацьцю клюба, маючы адну з ключовых футбалістаў. 7 верасьня 2022 году адзначыўся двума галамі ў браму «Лівэрпула» ў матчы групавога этапу Лігі чэмпіёнаў, які скончыўся буйной перамогай зь лікам 4:1^[7].

3 ліпеня 2024 году Зялінскі падпісаў кантракт з іншым клюбам Сэрыі А мілянскім «Інтэрам» пасьля заканчэньня дзеі кантракту з «Напалі»^[8].

Міжнародная

4 чэрвеня 2013 году футбаліст дэбютаваў у складзе нацыянальнай зборнай Польшчы ў таварыскім матчы супраць зборнай Ліхтэнштайну^[9]. У траўні 2018 году быў улучаны ў папярэдні сьпіс з 35-х чалавек ад Польшчы, якія мусяць выправяцца на чэмпіянат сьвету 2018 году ў Расеі.

Дасягненьні

«Напалі»:

• Чэмпіён Італіі: 2023
• Уладальнік Кубка Італіі: 2020