Пётар Рудаміна-Дусяцкі (сын Яна)

Пётар Рудаміна-Дусяцкі (? — 1649) — дзяржаўны дзяяч Вялікага Княства Літоўскага. Кашталян дорпацкі (1639—1643) і смаленскі (з 1643). Трымаў Усьвяцкае староства ў 1623—1640.

Пётар Рудаміна-Дусяцкі

Герб «Трубы»
Асабістыя зьвесткі
Памёр	1649
Род	Рудаміны-Дусяцкія
Бацькі	Ян Рудаміна-Дусяцкі Фэліцыя з Талочкаў
Дзеці	Ян Мікалай
Дзейнасьць	дзяржаўны дзяяч

Біяграфія

Прадстаўнік шляхецкага роду Рудамінаў-Дусяцкіх гербу «Трубы», сын Яна, войскага браслаўскага, і Фэліцыі з Талочкаў. Меў братоў Яна і Крыштапа.

Навучаўся ў Нясьвіскім калегіюме, Віленскай акадэміі.

Удзельнічаў у войнах з Швэцыяй 1600—1629, Маскоўскай дзяржавай 1609—1618 і 1632—1634.

У 1620—1621 займаў пасаду браслаўскага падстолія, у 1621—1624 — войскага, у 1624—1639 — харунжага. Абіраўся паслом на соймы 1631, 1632 і 1635. Быў дэпутатам Галоўнага Трыбуналу ў 1619 і 1626^[1].

Меў сына Яна Мікалая.