Ян Рудаміна-Дусяцкі (сын Яна)

Ян Рудаміна-Дусяцкі (1581 — 9 лютага 1646) — дзяржаўны дзяяч Вялікага Княства Літоўскага. Кашталян наваградзкі (з 1636).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ян Рудаміна-Дусяцкі.

Ян Рудаміна-Дусяцкі

Герб «Трубы»
Асабістыя зьвесткі
Нарадзіўся	1581
Памёр	9 лютага 1646
Пахаваны	Касьцёл Сьвятых Францішка й Бэрнарда
Род	Рудаміны-Дусяцкія
Бацькі	Ян Рудаміна-Дусяцкі Фэліцыя з Талочкаў
Дзеці	Габрыэль Рудаміна-Дусяцкі[d][1] і Ганна Алена з Рудамінаў-Дусяцкіх[d]

Біяграфія

Прадстаўнік шляхецкага роду Рудамінаў-Дусяцкіх гербу «Трубы», сын Яна, войскага браслаўскага, і Фэліцыі з Талочкаў. Меў братоў Пятра і Крыштапа.

Навучаўся ў Віленскай акадэміі, Інгальштацкім (цяпер — Мюнхэнскі) і Аўгсбурскім унівэрсытэтах.

Атрымаў урады каралеўскага двараніна і сакратара. Быў дэпутатам Галоўнага Трыбуналу ў 1610. З 1618 займаў пасаду лясьнічага вількійскага, у 1619—1622 — наваградзкага падваяводы, у 1627—1636 — харунжага. У 1623—1635 неаднаразова абіраўся паслом на сойм.

Браў удзел у вайне з Швэцыяй (1600—1629), Хоцінскай бітве з туркамі (1621).

Апісаў бітву ў вершаваным творы «Праўдзівы дыярыюш экспэдыцыі Кароны Польскай і Вялікага Княства Літоўскага супраць Асмана ў Валахіі шчасьліва выпраўленай» (1640). Яму прысьвяціў свае творы Мацей Казімер Сарбеўскі^[2].