Пірэйскі ўнівэрсытэт

Пірэйскі ўнівэрсытэт (па-грэцку: Πανεπιστήμιο Πειραιώς) — грэцкі дзяржаўны ўнівэрсытэт, які месьціцца ў Пірэі. У агульнай складанасьці ўстанова мае дзесяць акадэмічных аддзелаў, арыентаваных галоўным чынам на бізнэсовае кіраваньне, інфарматыку, эканоміку, фінансы і марскія дасьледаваньні^[4]. Пірэйскі ўнівэрсытэт мае другую паводле велічыні бізнэсовую школу ў Грэцыі, а катэдра банкаўскай справы і фінансавага кіраваньня ёсьць найстарэйшым акадэмічным факультэтам краіны ў галіне фінансаў^[5].

Пірэйскі ўнівэрсытэт
Πανεπιστήμιο Πειραιώς
Заснаваны	1938
Месцазнаходжаньне
Горад	Пірэй, Грэцыя
Краіна	Грэцыя[1]
Знаходзіцца ў складзе	Сетка грэцкіх унівэрсытэтаў[d][2] і Open Technologies Alliance[d][3]
Вэб-сайт	unipi.gr (грэцк.)​ (анг.)
Пірэйскі ўнівэрсытэт у Вікісховішчы

Гісторыя

Унівэрсытэт першапачаткова паўстаў у якасьці прамысловай школы ў 1938 годзе. У 1945 годзе яна была перайменавана ў Найвышэйшую школу прамысловых дасьледаваньняў. Сучасную назву вучэльня атрымала толькі ў 1989 годзе. Цяпер ва ўнівэрсытэце працуе навукова-дасьледчы цэнтар, які з моманту свайго заснаваньня ў 1989 годзе бярэ ўдзел у тэхналягічных дасьледаваньнях на нацыянальным і міжнародным узроўнях, асабліва ў галіне кампутарных сетак і інтэрнэт-тэхналёгіяў.