Радзівілаўка

Радзіві́лаўка (па-польску: Radziwiłłówka, па-падляску: Radzivíłuvka^[1]) — вёска ў Сямяціцкім павеце Падляскага ваяводзтва Польшчы. Знаходзіцца ў гміне Мельнік.

Радзівілаўка
польск. Radziwiłłówka
Першыя згадкі:	1576
Былая назва:	Аляксандроўка
Мясцовая назва:	Radziviłuvka
Краіна:	Польшча
Ваяводзтва:	Падляскае
Павет:	Сямяціцкі
Гміна:	Мельнік
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-307
Нумарны знак:	BSI
Геаграфічныя каардынаты:	52°23′0″ пн. ш. 23°2′0″ у. д.
Радзівілаўка на мапе Польшчы Радзівілаўка
Галерэя здымкаў у Вікісховішчы

Празь вёску праходзіць ваяводзкая дарога 640.

Крыжы ў вёсцы.

Насельніцтва

Жыхары вёскі ў большасьці этнічныя беларусы, праваслаўныя (прыход Нараджэньня Прасьвятой Багародзіцы ў Мельніку). Каталіцкая частка насельніцтва (парафія Перамяненьня Панскага ў Мельніку^[2]) па этнічных ідэнтыфікацыях — польская.

Гісторыя

Вёска была заснаваная ў 1576 г. на 33 валоках каралеўскай зямлі на поўнач ад Мельніка. З 1620 г. разьмяшчаўся тут цэнтар мельніцкага фальварку Раштовец. Пасьля паўстаньня 1863 г. назва вёскі была перайменаваная ў Александроўку^[3]. У міжваенны пэрыяд вёска стала цэнтрам гміны Радзівілаўка Бельскага павету Беластоцкага ваяводзтва. Паводле польскага перапісу насельніцтва 1921 г. пражывала тут 394 жыхароў (103 каталікоў, 274 праваслаўных, 16 габрэяў ды 1 пратэстант; 116 палякаў, 262 беларусаў, 16 габрэяў)^[4]. У 1940 г. дзейнічаў тут завод па раздрабненьня каменя на будову бункераў на лініі Молатава^[3].