Рафаэль Сантас Барэ

Рафаэ́ль Са́нтас Барэ́ (па-гішпанску: Rafael Santos Borré; нар. 15 верасьня 1995 году) — калюмбійскі футбаліст, нападнік бразыльскага клюбу «Інтэрнасьёнал» і нацыянальнай зборнай Калюмбіі.

Рафаэль Сантас Барэ
Пэрсанальная інфармацыя
Нарадзіўся	15 верасьня 1995(1995-09-15)[1][2][3] (29 гадоў) Баранкільля[d], Калюмбія
Рост	179 см
Вага	70 кг
Пазыцыя	нападнік
Клюбная інфармацыя
Клюб	Інтэрнасьёнал
Нумар	19
Клюбы
Гады	Клюб	Гульні (галы)¹
2013—2015	Дэпартыва Калі[d]	26 (14)
2015—2017	Атлетыка Мадрыд	0 (0)
2015—2016	→ Дэпартыва Калі[d]	20 (6)
2016—2017	→ Вільярэал	17 (2)
2017—2021	Рывэр Плэйт	83 (32)
2021—2024	Айнтрахт Франкфурт	63 (10)
2023—2024	→ Вэрдэр	19 (4)
2024—4	Інтэрнасьёнал	43 (14)
Зборныя
2014—2015	Калюмбія (да 20)[d]	15 (4)
2016	Калюмбія (да 23)[d]	1 (0)
2019—4	Калюмбія	40 (6)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 23 ліпеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 20 сакавіка 2025.

Кар’ера

Клюбная

Пачаў сваю кар’еру ў клюбе «Дэпартыва» з Калі. За першыя некалькі сэзонаў згуляў толькі некалькі гульняў, але па-сапраўднаму выкрыў свой талент у сэзоне 2015 году. У хуткім часе зацікавіў эўрапейскія клюбы. У жніўні 2015 году гулец склаў працоўную дамову з мадрыдзкім «Атлетыка», пасьля чаго вярнуўся ў «Дэпартыва» ўжо на правах арэнды^[4]. 26 сакавіка 2016 году атрымаў траўму, праз што прапусьціў некалькі месяцаў, вярнуўшыся на поле 1 траўня ў матчы супраць «Алянсы Пэтралеры»^[5]. У жніўня пераехаў у арэнду, дзе гуляў у арэндзе ў гішпанскім «Вільярэале»^[6].

Гэтак і не згуляўшы за «Атлетыка», гулец 7 жніўня 2017 году далучыўся да «Рывэр Плэйту»^[7]. 23 лістапада 2019 году калюмбіец адкрыў лік галам у фінале Кубка Лібэртадорэс 2019 году, але гэта не ўтрымала аргентынскі клюб ад паразы, якую ўчыніў бразыльскі «Фламэнгу». У 2020 году Барэ стаў найлепшым бамбардзірам чэмпіянату Аргентыны. У красавіку 2021 году ў матчы чэмпіянату гулец учыніў покер, пацэліўшы чатыры мячы ў браму суперніка. Тым ня менш, у ліпені Барэ стаў вольным агентам^[8]. Наступныя некалькі гадоў калюмбіец гуляў у нямецкім «Айнтрахце», які на сэзон 2023—2024 гадоў выправіў яго ў арэнду ў «Вэрдэр». У студзені 2024 году было абвешчана, што паўднёваамэрыканец далучыцца да бразыльскага «Інтэрнасьёналу». Паводле зьвестак, сума трансфэру сягала 5,5 мільёнам эўра^[9].

Міжнародная

Дэбютаваў у складзе нацыянальнай зборнай Калюмбіі 6 верасьня 2019 году ў таварыскім матчы супраць зборнай Бразыліі^[10], замяніўшы на 83-й хвіліне Дувана Сапату.

Дасягненьні

«Дэпартыва»:

• Чэмпіён Калюмбіі: 2015-А

«Рывэр Плэйт»:

• Уладальнік Кубка Аргентыны: 2017, 2019
• Уладальнік Супэркубка Аргентыны: 2017, 2019
• Уладальнік Кубка Лібэртадорэс: 2018
• Пераможца Рэкопы Паўднёвай Амэрыкі: 2019

«Айнтрахт»:

• Пераможца Лігі Эўропы: 2022

«Інтэрнасьёнал»:

• Чэмпіён штату Рыю-Грандзі-ду-Сул: 2025