Рачкавіцкі сельсавет

Ра́чкавіцкі сельсавет — адміністрацыйна-тэрытарыяльная адзінка ў складзе Слуцкага раёну Менскае вобласьці. Адміністрацыйны цэнтар — вёска Новыя Рачкавічы.

Рачкавіцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Новыя Рачкавічы
Дата ўтварэньня	1 сьнежня 1959
Насельніцтва	▼1591 чал. (2019)
Месцазнаходжаньне
Дадатковыя мультымэдыйныя матэрыялы

Гісторыя

Утвораны 20 жніўня 1924 году як Малышэвіцкі сельсавет у складзе Чырвонаслабодзкага раёну Слуцкай акругі БССР з цэнтрам у вёсцы Малышэвічы, з 9 чэрвеня 1927 году ў складзе Бабруйскай акругі. Пасьля скасаваньня акруговай сыстэмы 26 ліпеня 1930 году ў Чырвонаслабодзкім раёне БССР. З 1935 году ў Чырвонаслабодзкім раёне Слуцкай акругі. Пасьля ўвядзеньня абласнога падзелу 20 лютага 1938 году ў Чырвонаслабодзкім раёне Менскай вобласьці.

З 20 верасьня 1944 году ў складзе Бабруйскай вобласьці, з 8 студзеня 1954 году ў Менскай вобласьці. 16 ліпеня 1954 году да сельсавету далучана тэрыторыя скасаванага Бялевіцкага сельсавету^[1].

Пасьля скасаваньня Чырвонаслабодзкага раёну 8 жніўня 1959 году Малышэвіцкі сельсавет далучаны да Слуцкага раёну^[2].

1 сьнежня 1959 году да сельсавету далучана тэрыторыя скасаванага Танежыцкага сельсавету, цэнтар сельсавету перанесены з вёскі Малышэвічы ў пасёлак сьпіртзаводу Рачкавічы, сельсавет перайменаваны ў Рачкавіцкі^[3].

Насельніцтва

Паводле перапісу 2009 году насельніцтва сельсавету складаела 2058 чалавек^[4], зь іх 96,6% — беларусы^[5].