Робэрт Шон Леанард

Робэрт Шон Леанард (па-ангельску: Robert Sean Leonard; 28 лютага 1969, Ўэстўуд, Нью-Джэрзі, ЗША) — амэрыканскі актор, вядомы па сваёй ролі доктара Джэймза Ўілсана ў тэлесэрыяле «Доктар Гаўс».

Робэрт Шон Леанард
Robert Sean Leonard
Дата нараджэньня	28 лютага 1969 (56 гадоў)
Месца нараджэньня	Ўэстўуд, Нью-Джэрзі, ЗША
Грамадзянства	ЗША
Месца вучобы	Калюмбійскі ўнівэрсытэт Фордгэмскі ўнівэрсытэт[d] Columbia University School of General Studies[d] Ridgewood High School[d] HB Studio[d]
Занятак	актор
Гады дзейнасьці	1988 — дагэтуль
Узнагароды	прэмія «Тоні» за найлепшую мужчынскую ролю другога плана ў п’есе[d] (2001)
IMDb	ID nm0000494
Робэрт Шон Леанард у Вікісховішчы

Біяграфія

Робэрт нарадзіўся ва Ўэстўудзе, Нью-Джэрзі. Сын няні Джойс Пітэрсэн і настаўніка гішпанскай мовы Говарда Леанарда^[1][2]. Ён вырас у горадзе Рыджўуд, дзе ён вучыўся ў Рыджўудзкай вышэйшай школе да пераходу ў Фордгэнмскі ўнівэрсытэт, а пазьней у Калюмбійскі ўнівэрсытэт^[3]. Робэрт узяў імя свайго брата Шона для Гільдыі кінаактораў ЗША, таму што яго імя супадала зь імем іншага актора^[4].

Іграе на сцэне з 12 гадоў. Удзельнічаў у шматлікіх брадвэйскіх пастаноўках.

У 2001 годзе Леанард атрымаў прэстыжную амэрыканскую тэатральную прэмію «Тоні» за ролю ў спэктаклі паводле п’есы Тома Стопарда «Вынаходніцтва каханьня» (па-ангельску: The Invention of Love).

Леанард сябруе з Г’ю Лоры, выканаўцам галоўнай ролі ў сэрыяле «Доктар Гаўс»^[5], і з акторам Ітанам Гоўкам, зь якім яны разам здымаліся ў фільме «Таварыства мёртвых паэтаў», а пасьля заснавалі тэатральную кампанію Malaparte. Леанард таксама даўні сябар Джэймза Ўотэрстана, Стыва Зана і Фрэнка Ўэйлі^[6].

У жніўні 2008 году Леанард ажаніўся з Габрыелай Салік, якая прафэсійна займаецца конным спортам.