Робін Цэнтнэр

Робін Цэнтнэр (па-нямецку: Robin Zentner; нар. 28 кастрычніка 1994 году) — нямецкі футбаліст, брамнік клюбу «Майнц».

Робін Цэнтнэр
Пэрсанальная інфармацыя
Нарадзіўся	28 кастрычніка 1994(1994-10-28)[1][2] (30 гадоў) Рудэсгайм-ам-Райн[d], Раён Райнгау-Таўнус[d], Дармштат[d], Гэсэн, Нямеччына
Рост	194 см
Вага	96 кг
Пазыцыя	брамнік
Клюбная інфармацыя
Клюб	Майнц
Нумар	27
Клюбы
Гады	Клюб	Гульні (галы)¹
2012—2015	Майнц II[d]	36 (0)
2014—4	Майнц	198 (0)
2015—2017	→ Гольштайн	26 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025.

Кар’ера

Цэнтнэр ёсьць выхаванцам сыстэмы «Майнцу». Пачаў свае выступы спачатку за рэзэрвовую каманду клюбу. У сэзоне 2014—2015 гадоў далучыўся да галоўнай каманды клюбу, але быў трэцім брамнікам. У жніўні 2015 году на два гады выправіўся ў арэнду ў клюб «Гольштайн» дзеля здабыцьця гульнявой практыкі. Вярнуўся ў «Майнц» у 2017 годзе, дэбютаваўшы ў кастрычнікам матчы лігі. Цягам кожнага зь першых двух сэзонаў па арэндзе ён па чарзе з Флёрыянам Мюлерам абараняў браму «Майнцу», пакуль стала ня стаў першым галкіпэрам у пачатку першай паловы сэзону 2019—2020 гадоў. Па парваньні крыжападобнага вязу 8 сакавіка 2020 году ў матчы Бундэсьлігі прапусьціў рэшту сэзону. Ягоны кантракт з «Майнцам» разьлічаны да канца сэзону 2024—2025 гадоў^[3].