Родныя вытокі (газэта)

«Родныя вытокі» — штотыднёвая масава-палітычная газэта Докшыцкага раёну. Заснаваная ў 1943 годзе Докшыцкім раённым выканаўчым камітэтам і раённым Саветам дэпутатаў. Газэта выдаецца на беларускай мове па серадах і суботах. Наклад складае больш чым 3000 экзэмпляраў. У газэце надаецца ўвага розным бакам жыцьця Докшыцкай зямлі, публікуюцца вершы маладых паэтаў, і грамадзка значныя матэрыялы.

«Родныя вытокі»
Тып	Тыднёвік
Заснавальнік	Докшыцкі падпольны раённы камітэт КПБ
Уладальнік	Выканаўчы камітэт Докшыцкага раёну
Выдавец	Выканаўчы камітэт Докшыцкага раёну
Галоўны рэдактар	Аляксандар Варанковіч
Заснаваная	Лістапад 1943
Палітыка	Урадавая
Мова	Беларуская
Штаб-кватэра	Докшыцы, Віцебская вобласьць, Беларусь
Наклад	3597 (1 студзеня 2016)[1]
Афіцыйны сайт	dokshitsy.by

Мінуўшчына

У лістападзе 1943 г. Докшыцкі падпольны раённы камітэт КПБ выдаў першы нумар газэты «Партызанская праўда». У сьнежні 1944 г. газэта атрымала назоў «Ленінская праўда», зь якім праіснавала да скасаваньня Докшыцкага раёну 1962 годзе. У 1965 г. газэту аднавілі разам з раёнам пад назовам «Ленінская трыбуна». У 1991 г. газэта атрымала сучасны назоў^[2].

Рэдактары

• Бася Шапіра (з 1944 г.)
• Міхаіл Марціновіч
• Іван Стагураў
• Уладзімер Жукоўскі
• Валянцін Лявонаў (да 1956 г.)
• Мікалай Гуйдо (1956—1962; 1965—1988)
• Іван Лазука (1988—1992)^[3]
• Мікалай Аўтух (1992—2004)
• Алена Яновіч (2004)
• Людміла Гільніч (2004—2009)
• Аляксандар Варанковіч (з 2009 г.)^[4].