Руднянскі сельсавет (Жыткавіцкі раён)

Рудня́нскі сельсавет^[1] — адміністрацыйна-тэрытарыяльная адзінка ў складзе Жыткавіцкага раёну Гомельскай вобласьці. Адміністрацыйны цэнтар — вёска Кольна (з 27 лістапада 2009 году).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Руднянскі сельсавет.

Гісторыя

У 1919 годзе створаны ў складзе Жыткавіцкай воласьці Мазырскага павету Менскай (з 29 жніўня 1919 году да 10 жніўня 1920 году — Гомельскай) губэрні РСФСР (з 1 студзеня 1919 году — Беларускай ССР), з 10 жніўня 1920 году да 17 ліпеня 1924 году — Жыткавіцкай воласьці Мазырскага павету Менскай губэрні (да 18 сакавіка 1921 году), з 20 жніўня 1924 году — Жыткавіцкага раёну Мазырскай акругі (17 ліпеня 1924 году — 26 ліпеня 1930 году, 21 чэрвеня 1935 году — 20 лютага 1938 году), з 20 лютага 1938 году — Палескай (з 8 студзеня 1954 году — Гомельскай) вобласьці. 21 студзеня 1969 году адміністрацыйны цэнтар сельсавету перанесены зь вёскі Рудня ў пасёлак Грабянёўскі^[2].

27 лістапада 2009 году адміністрацыйны цэнтар сельсавету перанесены з пасёлку Грабянёўскі ў вёску Кольна^[3].

14 траўня 2014 году вёскі Ацкаванае і Чарацянка ўвайшлі ў склад сельсавету, а вёска Подаўж увайшла ў склад гораду Жыткавічаў^[4].

Насельніцтва

• 1 студзеня 1933 году — 423 жыхары, 150 двароў^[5]
• 1 студзеня 2011 году — 2064 жыхары^[6]

Населеныя пункты

• 1 студзеня 1933 году — 89^[5]
• 1 студзеня 1947 году — 9^[7]
• 1 чэрвеня 1955 году — 12^[8]
• 1 студзеня 1964 году — 13^[9]
• 1 студзеня 1968 году — 13^[10]
• 1 студзеня 1974 году — 13^[11]
• 1 студзеня 1981 году — 13^[12]
• 1 студзеня 1986 году — 13^[13]
• 1 студзеня 2011 году — 15^[6]