Рэйчэл Макадамз

Рэ́йчэл Мака́дамз (па-ангельску: Rachel McAdams; нарадзіўся 17 лістапада 1978 году) — канадзкая акторка. Пасьля заканчэньня вывучэньня тэатральнай справы ў Ёрскім унівэрсытэце ў 2001 годзе яна працавала ў канадзкіх тэле- і кінапрадукцыях, як то зьявілася ў драматычным фільме «Ідэальны пірог» (2002), за які атрымала намінацыю на прэмію Джыні.

Рэйчэл Макадамз
па-ангельску: Rachel McAdams
Дата нараджэньня	17 лістапада 1978(1978-11-17)[1][2][3][…] (46 гадоў)
Месца нараджэньня	Лёндан, Мідлсэкс[d], Антарыё, Канада
Месца вучобы	Ёрскі ўнівэрсытэт[d] (2001) Інстытут Цэнтральнага Элгіна[d]
Занятак	кінаакторка, акторка, тэатральная акторка, тэлеактор, абаронца вакольнага асяродзьдзя
Навуковая сфэра	акторства[d][4]
Узнагароды	Канадзкая Алея славы[d] (2014) прэмія «Выбару крытыкаў» за найлепшы акторскі склад[d] (2016) прэмія Гільдыі кінаактораў ЗША за выдатны акторскі склад у гульнявым кіно[d] (2016) прэмія «Спадарожнік» за найлепшы акторскі склад — кінафільм[d] (2016) кінапрэмія MTV за найлепшы прарыў году[d] (2005) кінапрэмія MTV за найлепшы акторскі дуэт[d] (2005) кінапрэмія MTV за найлепшы пацалунак[d] (2005)
IMDb	ID nm1046097
Подпіс
Рэйчэл Макадамз у Вікісховішчы

Біяграфія

У 2002 годзе акторка дэбютавала ў галіўудзкім кіно ў камэдыі «Цыпанька». Макадамз праславілася ў 2004 годзе дзякуючы выкананьню роляў у камэдыі «Паганыя дзяўчыны» і рамантычнай драме «Дзёньнік памяці». У 2005 годзе канадзкая акторка здымалася ў рамантычнай камэдыі «Няпрошаныя госьці», псыхалягічным трылеры «Начны рэйс» і камэдыйнай драме «Камень сям’і Стоўнаў». Ува ўсіх гэтых фільмах канадку запрыкмецілі і нараклі ўзыходзячай зоркай. Пасьля кароткага адпачынку яна вярнулася да выкананьняў роляў у 2009 годзе, зьявіўшыся ў палітычным трылеры «Вялікая гульня», экранізацыі раману «Жонка падарожніка ў часе» і містычным фільме 2009 году «Шэрлак Голмз». У 2010 годзе Макадамз зьявілася ў камэдыйным фільме «Ранішняя слава», а затым была прыцягнутая да здымак фільмаў «Поўнач у Парыжы» (2011), «Кляцьба» (2012) і «Нарэшце» (2013). У 2015 годзе Макадамз зьнялася ў другім сэзоне крымінальнай драмы-анталёгіі HBO «Сапраўдны дэтэктыў» і згуляла ролю журналісткі Сашы Пфайфэр у драме «Ў цэнтры ўвагі». За апошні час акторка была намінаваная на прэмію Оскар за найлепшую жаночую ролю другога пляну. Затым рушылі ўсьлед ролі ў супэргеройскім фільме «Доктар Стрэндж» (2016), рамантычнай драме «Непаслушэнства» (2017), а таксама ў камэдыях «Ноч гульні» (2018) і «Эўрабачаньне: Сага пра агонь» (2020).