Рэплеўскі сельсавет

Рэ́плеўскі сельсавет — былая адміністрацыйна-тэрытарыяльная адзінка ў складзе Ваўкавыскага раёну Гарадзенскай вобласьці. Адміністрацыйны цэнтар — вёска Рэпля.

Гісторыя

12 кастрычніка 1940 году створаны ў складзе Ваўкавыскага раёну Беластоцкай вобласьці (з 20 верасьня 1944 году — Гарадзенскай) вобласьці БССР^[1]. 16 ліпеня 1954 году да сельсавету далучаная тэрыторыя скасаванага Бурнеўскага сельсавету^[2], 2 сьнежня 1961 году — частка скасаванага Дзятлавіцкага сельсавету (вёскі Агароднікі, Бойдаты, Мількаўцы)^[3]. 27 траўня 1965 году вёскі Агароднікі, Бойдаты і Мількаўцы перададзеныя ў склад Роскага пасялковага савету.

18 кастрычніка 2013 году сельсавет ліквідаваны, усе населеныя пункты — Бурнева, Ганасаўцы, Грыбаўцы, Духаўляны, Марцянаўцы, Мештуны, Навасады, Навасёлкі, Навікі, Пачуйкі, Петрашэўцы, Рэпля, Сугакі — перададзеныя ў склад Вярэйкаўскага сельсавету^[4].

Насельніцтва

Насельніцтва сельсавету паводле перапісу 2009 году — 1053 чалавекі^[5], зь іх 52,9 % — палякі, 44,7 % — беларусы, 1,5 % — расейцы^[6].

Населеныя пункты

• 1 студзеня 1947 году — 9^[7]
• 1 студзеня 1974 году — 13^[8]
• 1 студзеня 1981 году — 13^[9]
• 1 студзеня 1986 году — 13^[10]