Вярэйкаўскі сельсавет

Вярэ́йкаўскі сельсавет — адміністрацыйна-тэрытарыяльная адзінка ў складзе Ваўкавыскага раёну Гарадзенскай вобласьці. Адміністрацыйны цэнтар — вёска Вярэйкі.

Вярэйкаўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Вярэйкі
Дата ўтварэньня	12 кастрычніка 1940
Насельніцтва	▲1781 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

12 кастрычніка 1940 году створаны ў складзе Ваўкавыскага раёну Беластоцкай вобласьці (з 20 верасьня 1944 году — Гарадзенскай) вобласьці БССР^[1].

16 ліпеня 1954 году да сельсавету далучаная тэрыторыя скасаванага Дзявяткаўскага сельсавету^[2]. 25 верасьня 2003 году ў склад Субацкага сельсавету перададзеныя 11 населеных пунктаў (Гоцевічы, Жынаўцы, Занцавічы, Зубаўшчына, Курапаты, Пожаркі, Славікі, Цярэшкі, Чырвоны Груд, Шніпава, Шулейкі)^[3]. 18 кастрычніка 2013 году ў склад сельсавету перададзеныя ўсе населеныя пункты — Бурнева, Ганасаўцы, Грыбаўцы, Духаўляны, Марцянаўцы, Мештуны, Навасады, Навасёлкі, Навікі, Пачуйкі, Петрашэўцы, Рэпля, Сугакі — ліквідаванага Рэплеўскага сельсавету^[4].

29 траўня 2018 году ліквідаваныя вёскі Зборы і Яцкова^[5].

Насельніцтва

Насельніцтва сельсавету паводле перапісу 2009 году — 1553 чалавекі^[6], зь іх 64,7 % — беларусы, 30,8 % — палякі, 3,0 % — расейцы^[7].

Населеныя пункты

• 1 студзеня 1947 году — 16^[8]
• 1 студзеня 1974 году — 29^[9]
• 1 студзеня 1981 году — 29^[10]
• 1 студзеня 1986 году — 29^[11]