Салігорскае вадасховішча

Саліго́рскае вадасхо́вішча — вадасховішча, разьмешчанае каля Салігорску на рацэ Случ. Створанае ў 1967 годзе для забесьпячэньня патрэбаў «Беларуськалія». Да стварэньня вадасховішча на яго тэрыторыі знаходзіўся забалочаны тарфяны масіў. Плошча вадасховішча складае 23,1 км², даўжыня — 24 км. Глыбіня вадасховішча дасягае 4,5 м, шырыня — 2 км. Аб’ём вады — 55,9 млн м³, сярэдні шматгадовы сьцёк — 288 млн м³, плошча вадазбору — 1793 км².

Вадасховішча Салігорскае вадасховішча Краіна Беларусь Плошча 23,1 км² Плошча вадазбору 1793 км² Максымальная глыбіня 4,5 м Найбольшая даўжыня 24 км Найбольшая шырыня 2 км Аб’ём вады 55,9 млн м³ Каардынаты 52°47′17″ пн. ш. 27°34′48″ у. д.

Месцазнаходжаньне Салігорскага вадасховішча Салігорскае вадасховішча

На плаціне вадасховішча разьмешчаная Салігорская ГЭС, пабудаваная ў 2002 годзе і далучаная да энэргасыстэмы ў 12 студзеня 2007 году.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1