Сан-Рэма

Сан-Рэма (па-італьянску: San Remo) — горад у Італіі, які месьціцца ў рэгіёне Лігурыя. Вядомы як турыстычны горад на італьянскай Рывіеры. Тут ладзяцца шматлікія культурніцкія мерапрыемствы, як то музычны фэстываль у Сан-Рэма і клясычная роварная гонка Мілян—Сан-Рэма.

Сан-Рэма
Краіна:	Італія
Плошча:	55,96 км² (9 кастрычніка 2011)[1]
Вышыня:	15 м н. у. м.
Насельніцтва:	▼52 787 чал. (1 студзеня 2023)[2]
Тэлефонны код:	0184
Паштовы індэкс:	18038
Нумарны знак:	IM
Геаграфічныя каардынаты:	43°49′3″ пн. ш. 7°46′30″ у. д.
Сан-Рэма на мапе Італіі Сан-Рэма
Галерэя здымкаў у Вікісховішчы
https://www.comune.sanremo.im.it/

Гісторыя

Паштоўка 1920-х гадоў з выявай Сан-Рэма.

Калісьці на месцы гораду стаяла рымскае паселішча Матуцыя. Сан-Рэма пашырылася ў раньнім Сярэднявеччы, калі насельніцтва перасялілася на ўзвышшы. Тут быў пабудаваны замак і вёска Ля-Пінья, з узмоцненай абаронай, каб абараняцца ад набегаў сарацынаў. Горадам кіраваў род Вэнтымільля, але пазьней кіраваньне перайшло да генуэскіх біскупаў. У 1297 годзе яны прадалі места сем’ям Дорыя і Дэ Мары. Места стала вольным горадам у другой палове XV стагодзьдзя, пасля чаго пашырыўся.

Пасьля францускага панаваньня і вылучэньня з Францыі Савоі ў 1814 годзе Сан-Рэма было далучанае да каралеўства Сардыніі. Зь сярэдзіны XVIII стагодзьдзя места хутка пашыралася, часткова дзякуючы разьвіцьцю турызму. У выніку ў ім былі пабудаваныя першыя грандыёзныя гатэлі, а сам горад пашырыў сваю набярэжную. Тут адпачывалі аўстрыйская імпэратарка Сысі, а таксама расейская княгіня Марыя ды імпэратар Мікалай II. Швэдзкі хімік Альфрэд Нобэль пераехаў у Сан-Рэма на сталае жыцьцё. У красавіку 1920 году ў месьце ладзілася канфэрэнцыя Вярхоўнай рады хаўрусьнікай, дзеля разьмеркаваньня мандатаў Лігі народаў на кіраваньне былымі асманскімі землямі Блізкага Ўсходу па Першай сусьветнай вайне.