Сан-Сальвадор (горад)

Сан-Сальвадор (па-гішпанску: San Salvador, мянушка: San Sivar) — сталіца Сальвадору, знаходзіцца ў цэнтральнай частцы краіны, каля вулькана Сан-Сальвадор, за 35 км ад узьбярэжжа Ціхага акіяна, у даліне ракі Амакас. Колькасьць насельніцтва складае каля 570 тысячаў чалавек, а разам з прыгарадамі 2,1 мільёну чалавек.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сальвадор (неадназначнасьць).

Сан-Сальвадор
Герб Сан-Сальвадору Сьцяг Сан-Сальвадору
Першыя згадкі:	1525
Краіна:	Сальвадор
Кіраўнік:	Mario Edgardo Durán Gavidia[d]
Плошча:	75,2 км²
Вышыня:	670 м н. у. м.
Насельніцтва
колькасьць:	569 800 чал.
шчыльнасьць:	7577,13 чал./км²
Часавы пас:	UTC-6
Паштовы індэкс:	1101
Геаграфічныя каардынаты:	13°41′56″ пн. ш. 89°11′29″ з. д.
Сан-Сальвадор на мапе Сальвадору Сан-Сальвадор
Галерэя здымкаў у Вікісховішчы
https://www.sansalvador.gob.sv/

Горад быў заснаваны ў 1525 годзе на месцы захопленай гішпанцамі індзейскай сталіцы Кускатлана, але да нашых дзён не засталося нічога, што нагадвала б каляніяльныя часы. Горад некалькі разоў руйнаваўся вывяржэньнямі вулькана і землятрусамі (апошні раз у 1986 годзе). Пасьля моцнага вывяржэньня 1854 году сталіца была часова перанесеная ў Нуэва Сан-Сальвадор. Значныя руйнаваньні адбыліся і ў 1934 годзе, а ў 1980-х гадах горад значна пацярпеў ад вайсковых дзеяньняў грамадзянскай вайны.

Праз Сан-Сальвадор праходзіць Панамэрыканская аўтастрада. Таксама, горад злучаны аўтамабільная дарогай з марскім портам Ла Лібэртад на ўзьбярэжжы Ціхага акіяна, а зь іншым портам Акаджутла, Сан-Сальвадор злучаецца чыгункай. За 50 км на поўдзень ад гораду знаходзіцца міжнародны аэрапорт.

Вонкавыя спасылкі

Сан-Сальвадор (горад) — сховішча мультымэдыйных матэрыялаў