Сароцкі сельсавет (Любанскі раён)

Саро́цкі сельсавет — адміністрацыйна-тэрытарыяльная адзінка ў складзе Любанскага раёну Менскай вобласьці. Адміністрацыйны цэнтар — вёска Сарачы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сароцкі сельсавет (неадназначнасьць).

Сароцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Сарачы
Дата ўтварэньня	28 лютага 1974
Насельніцтва	▼2803 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Створаны 20 жніўня 1924 году як Рэдкавіцкі сельсавет у складзе Любанскага раёну Слуцкай акругі БССР. Цэнтар — вёска Рэдкавічы. З 9 чэрвеня 1927 году ў складзе Бабруйскай акругі. Пасьля скасаваньня акруговай сыстэмы 26 ліпеня 1930 году ў Любанскім раёне БССР. З 21 чэрвеня 1935 году ў Любанскім раёне Слуцкай акругі. Пасьля ўвядзеньня абласнога падзелу 20 лютага 1938 году ў Любанскім раёне Менскай вобласьці, з 20 верасьня 1944 года — Бабруйскай вобласьці, з 8 студзеня 1954 году — Менскай вобласьці.

28 лютага 1974 году цэнтар сельсавету перанесены ў вёску Сарачы, сельсавет перайменаваны ў Сароцкі^[1].

28 траўня 2013 году ў склад сельсавету перададзеныя населеныя пункты Аляксандраўка, Горбач, Запальле, Лісьцёнка, Новыя Юрковічы, Старыя Юрковічы, Сялец ліквідаванага Ляхаўскага сельсавету^[2].

Насельніцтва

Паводле перапісу 2009 году насельніцтва сельсавета (8 населеных пунктаў) — 2862 чалавек^[3], зь іх 97,5% — беларусы^[4].