Свабода (газэта, 1990)

Свабода — грамадзка-палітычная газэта, якая выдавалася з 25 сакавіка 1990 па 1997 год у Менску на беларускай мове, спачатку — штотыднёвік, далей — 3 разы на тыдзень. Заснавальнік — Павал Жук, галоўны і першы рэдактар — Ігар Гермянчук.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Свабода (газэта).

Свабода лац. Svaboda
Тып	газэта
Заснавальнік	Павал Жук
Выдавец	«Газэта СВАБОДА, Ltd.»
Галоўны рэдактар	Ігар Гермянчук
Заснаваная	1990
Закрытая	1997
Палітыка	выказваньне поглядаў разьвіцьця беларускае мовы
Мова	беларуская
Штаб-кватэра	Менск, вул. М.Багдановіча, д. 7а[1]
Наклад	20 тыс. (І.1994) 42 тыс. (VІІ.1994) 60 тыс. (ІІІ.1995) 93 тыс. (ІХ.1995) 93 тыс. (1996)
Афіцыйны сайт	(нядзейны) svaboda.com (нядзейны)

Зьмест

Газэта асьвятляла пытаньні грамадзка-палітычнага, эканамічнага, культурнага і духоўнага жыцьця Беларусі, знаёміла чытачоў зь міжнароднымі падзеямі, друкавала матэрыялы па гісторыі Беларусі. Рэдакцыя выданьня стаяла на нацыянальна-дэмакратычных пазыцыях, крытычна адносілася да дзеючых на Беларусі органаў улады.

Рэдакцыя лічыла сваю газэту пераемніцай выданьня «Свабода», адзіны нумар якога быў падрыхтаваны ў 1902 годзе. Наваствораная пераемніца праіснавала сем гадоў.

Закрыцьцё газэты

24 лістапада 1997 году Вышэйшы гаспадарчы суд зьліквідаваў газэту пасьля двух афіцыйных папярэджаньняў за парушэньне «Закону аб СМІ», якія вынес выданьню Дзяржкамітэт друку. На той момант «Свабода» ўжо мела шэсьць папярэджаньняў. Вышэйшы Гаспадарчы Суд забараніў выпуск газэты «Свабода»^[2] на чале з судзьдзёю М. Клімянковаю.

Нягледзячы на закрыцьцё выданьня, журналісцкі калектыў не распаўся. На працягу двух месяцаў «Свабода» працягвала выходзіць — але ўжо не на паперы, а ў Інтэрнэце^[a].

Працяг дзейнасьці

З 16 студзеня 1998 году газэта выходзіла пад назвай «Навіны», з 25 лютага 2000 — «Наша Свабода».

Глядзіце таксама

• Пагоня (газэта)

Заўвага

1. Старока газэты мела назву svaboda.com.