Секретные исследования

Аналитическая газета «Секретные исследования» (па-беларуску: Аналітычная газэта «Сакрэтныя дасьледаваньні») — навукова-папулярнае выданьне аб непазнаным, таямніцах гісторыі і загадках Сьветабудовы. Дырэктар — Андрэй Ладыжэнка, галоўны рэдактар — Вадзім Дзеружынскі.

Секретные исследования
Тып	газэта
Фармат	А3, 16 палос
Выдавец	ТАА «ЛДСпрэс»
Краіна	Беларусь
Галоўны рэдактар	Вадзім Дзеружынскі
Заснаваная	2001
Мова	расейская
Штаб-кватэра	г. Менск, вул. Калініна, д. 7, к. 45а
Наклад	20 000
Афіцыйны сайт	secret-r.net

Газэта выходзіць 2 разы ў месяц і распаўсюджваецца як у кіёсках «Белсаюздруку», так і ў прыватных распаўсюднікаў, а таксама па падпісцы.

Тэматыка

У газэце публікуюцца аналітычныя матэрыялы па гісторыі, заалёгіі, антрапалёгіі, біялёгіі, пра паранармальныя зьявы. На падставе матэрыялаў па гісторыю Беларусі ў 2009 годзе выйшла ў сьвет кніга «Тайны белорусской истории» (па-беларуску: «Таямніцы беларускай гісторыі»)^[1][2], у 2012 годзе — «Забытая Беларусь»^[3]. Сьвет пабачылі яшчэ некалькі кнігаў па розных тэматыках^[4].

Матэрыялы з газэты публікаваліся ў «Спадчыне»^[5], «Народнай Воле»^[6].

Дадатковыя зьвесткі

З 2009 году газэта «Секретные исследования» пачала ўжываць замест словаў «белорус», «белорусская» і «белорусский» — «беларус», «беларуская» і «беларуский» адпаведна^[7].