Сергуч

Се́ргуч, Бузянка — рака ў Лепельскім раёне Віцебскай вобласьці, левы прыток ракі Бярэзіны (басэйн Дняпра). Даўжыня 47 км. Плошча вадазбору 238 км². Выдатак вады ў вусьці 1,6 м³/с. Сярэдні нахіл воднай паверхні 0,2‰.

Рака

Сергуч
Агульныя зьвесткі
Выток	воз. Тэкліц
Вусьце	Бярэзіна
Краіны басэйну	Беларусь
Вобласьці	Віцебская вобласьць
Даўжыня	47 км
Сярэднегадавы сьцёк	1,6 м³/с
Плошча басэйну	238 км²
Нахіл воднай паверхні	0,2 ‰
Галерэя здымкаў у Вікісховішчы

Агульныя зьвесткі

Пачынаецца з возера Тэкліц, цячэ праз азёры Вольшыца, Плаўна і Манец, частка сьцёку патрапляе ў Бярэзінскі канал (басэйн Дзьвіны). Ніжэй за возера Манец мае назву рака Бузянка. Праз пратоку злучаецца з возерам Домжарыцкае, ніжэй за вёску Домжарыцы асноўны сьцёк ідзе Сергуцкім каналам. Вусьце за 4 км на паўднёвы захад ад вёскі Крайцы. Працякае Верхнебярэзінскай нізінай, амаль цалкам у межах Бярэзінскага біясфэрнага запаведніка. Уваходзіць у склад былой Бярэзінскай воднай сыстэмы.

Даліна невыразная, каля вытоку трапэцападобная, шырынёй 0,5—1 км. Абалона двухбаковая, шырыня яе ад 0,05—0,25 км у вытокавай частцы да 1—1,3 км паблізу ўтоку ракі ў возера Вольшыца. Паверхня абалоны пераважна раўнінная, радзей купістая, забалочаная, складзена з торфу; у разводзьдзе затапляецца на глыбіню 0,4—0,5 м. Рэчышча ад вытоку да возера Вольшыца зьвілістае. Берагі пераважна нізкія, забалочаныя^[1].