Лепельскі раён

Ле́пельскі раён — адміністрацыйна-тэрытарыяльная адзінка на поўдні Віцебскай вобласьці Беларусі. Плошча раёну складае 1,8 тыс. км². Насельніцтва на 2018 год — 32 764 чалавекі^[2]. Адміністрацыйны цэнтар — места Лепель.

Лепельскі раён
Герб
Агульныя зьвесткі
Краіна	Беларусь
Статус	раён Беларусі
Уваходзіць у	Віцебская вобласьць
Адміністрацыйны цэнтар	Лепель
Дата ўтварэньня	17 ліпеня 1924
Кіраўнік	Міхаіл Кісялевіч[d][1]
Насельніцтва (2018)	32 764[2]
Шчыльнасьць	18 чал./км²
Плошча	1822,22[3] км²
Месцазнаходжаньне Лепельскага раёну
Мэдыя-зьвесткі
Часавы пас	UTC +3
Тэлефонны код	+375-21-32
Паштовыя індэксы	211 0хх, 211 1хх
Афіцыйны сайт
Дадатковыя мультымэдыйныя матэрыялы

Раён падзяляецца на 9 сельсаветаў: Баброўскі, Бароўскі, Валосавіцкі, Горскі, Домжарыцкі, Каменскі, Лепельскі, Слабадзкі, Стайскі.

Гісторыя

Утвораны 17 ліпеня 1924 году.

Геаграфія

Мяжуе зь Бешанковіцкім, Чашніцкім, Докшыцкім, Ушацкім раёнамі Віцебскай вобласьці, Крупскім і Барысаўскім раёнамі Менскай вобласьці. Уключае 232 сельскія населеныя пункты, 9 сельсаветаў.

Паўднева-заходняя частка раёну разьмешчана ў межах Верхнябярэзінскай нізіны, паўночна-заходняя — у межах Пышнагорскага ўзвышша, паўднёва-ўсходняя — Лукомскага ўзвышша. Паверхня пласкахвалістая. Пераважаюць вышыні 150—170 м, найвышэйшы пункт 279 м.

Найбольшыя рэкі: Эса з прытокамі Байнай, Сьвядзіцай і Бярэшчай; Вула, Зеха. У Лепельскім раёне 137 азёраў з назвамі і 70 бяз назваў, найбольшыя: Лепельскае, Окана, Бярэшча, Тэкліц і Астроўна.

Насельніцтва

• XX стагодзьдзе: 1998 год — 45 300 чалавек
• XXI стагодзьдзе: 2009 год — 35 367 чалавек^[4] (перапіс); 2016 год — 33 151 чалавек^[5]; 2017 год — 32 939 чал.^[6]; 2018 год — 32 764 чал.^[2]

Асобы

• Анатоль Вярцінскі (1931, в. Дзямешкава - 2022) — беларускі паэт, драматург, публіцыст, крытык, перакладчык
• Тодар Кляшторны (1903, Парэчча — 1937) — беларускі паэт, перакладчык, ахвяра камуністычных рэпрэсій

Адукацыя

• Лепельскі гідрамэліярацыйны тэхнікум

Транспарт

Чыгунка Ворша — Лепель. Аўтадарогамі раён зьвязаны з Полацкам, Менскам, Віцебскам, Воршай, Улай.