Слабадзкое возера (Менская вобласьць)

Слабадзкое — возера ў Вялейскім раёне Менскай вобласьці Беларусі ў басэйне ракі Нарачанка, за 25 км у напрамку на паўночны захад ад гораду Вялейка, за 1,5 км на ўсход ад вёскі Слабада.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Слабадзкое.

Возера Слабадзкое Краіна Беларусь Плошча 0,86 км² Плошча вадазбору 6,14 км² Максымальная глыбіня 11 м Найбольшая даўжыня 1,5 км Найбольшая шырыня 0,77 км Даўжыня берагавой лініі 3,75 км Аб’ём вады 4,33 млн м³ Каардынаты 54°42′18.7″ пн. ш. 26°47′30.6″ у. д. Слабадзкое на мапе Беларусі ± Слабадзкое Слабадзкое

Плошча паверхі 0,86 км². Даўжыня 1,5 км, найбольшая шырыня 0,77 км. Даўжыня берагавой лініі 3,75 км. Найбольшая глыбіня 11 м. Аб′ём вады 4,33 млн м³. Плошча вадазбору 6,14 км².

Катлавіна возера выцягнутая ў напрамку з паўночнага захаду на паўднёвы ўсход. Схілы катлавіны вышынёй 1—4 м, парасьлі лесам, часткова разараныя. Берагі нізкія, пад хмызьняком, месцамі забалочаныя, на паўночным захадзе вышынёй 0,3—0,4 м, абразыйныя, тарфяністыя. Пойма шырынёй да 20 м, забалочаная, пакрытая хмызьняком. У прыбярэжнай зоне дно пясчанае, глыбей выслана сапрапэлем. Шырыня паласы прыбярэжнай надводнай расьліннасьці 30—50 м, пашырана да глыбіні 1—1,5 м. На паўночным захадзе выцякае ручай у Нарачанку.

У возера водзяцца шчупак, лешч, плотка, гусьцяра, лінь, карась і іншыя віды рыб.