Славамір Мрожак

Славамі́р Мро́жак (па-польску: Sławomir Mrożek, 29 чэрвеня 1930, Бажэнцін, Польшча — 15 жніўня 2013, Ніцца^[2]) — польскі драматург і празаік. Аўтар сатырычных апавяданьняў і драматычных твораў філязофскай, палітычнай і псыхалягічнай тэматыкі. Прадстаўнік плыні тэатра абсурду.

Славамір Мрожак
Sławomir Mrożek
Асабістыя зьвесткі
Імя пры нараджэньні	Sławomir Mrożek
Нарадзіўся	29 чэрвеня 1930 Бажэнцін, Польшча
Памёр	15 жніўня 2013 (83 гады) Ніцца
Пахаваны	Нацыянальны пантэон у Кракаве[d]
Сужэнец	Марыя Абрэмба[d]
Літаратурная дзейнасьць
Род дзейнасьці	драматург, празаік
Гады творчасьці	з 1950
Жанр	сатырычныя апавяданьні, драматычныя філязофскія творы
Мова	польская мова[1]
Дэбют	1953
Значныя творы	Паліцыя Танга
Прэміі	Эўрапейская літаратурная прэмія (1971)
Узнагароды	Крыж камандорскі з зоркай ордэна Адраджэньня Польшчы
Подпіс
Славамір Мрожак у Вікісховішчы
Афіцыйны сайт

Жыцьцё й творчасьць

Славамір Мрожак нарадзіўся ў 1930 годзе ў Бажэнціне, Польшча. Вывучаў архітэктуру й выяўленчае мастацтва ў Ягелонскім унівэрсытэце ў Кракаве. У 1950 годзе пасьпяхова дэбютаваў як празаік і адначасова як карыкатурыст. Аднак сусьветную вядомасьць яму прынесла драматургія. Першы драматычны твор — п’еса «Паліцыя», выдадзеная ў 1958 годзе. П’еса «Танга» (1964) прынесла Мрожаку сусьветную славу.

У 1962 становіцца адным з чатырох першых ляўрэатаў літаратурнай прэміі ім. Касьцельскіх. У 1968 публікуе ў францускай прэсе ліст пратэсту супраць уводу войскаў Варшаўскай Дамовы ў Чэхаславаччыну.

У 1963 эмігруе з Польшчы, жыве ў ЗША, Нямеччыне, Францыі, Італіі й Мэксыцы. У 1996 вяртаецца на Радзіму, але ў апошнія гады жыў у Ніццы (Францыя).

Узнагароджаны Крыжам камандорскім з зоркай ордэна Адраджэньня Польшчы (1997)^[3].

Творы (выбранае)

П’есы

• 1958 «Паліцыя»
• 1960 «Індык»
• 1961 «Стрыптыз» (бел. пер. В. Ракіцкага)
• 1964 «Танга» (бел. пер. Л. Баршчэўскага)
• 1971 «Шчасьлівы выпадак»
• 1973 «Разьня»
• 1974, паст. «Эмігранты» (бел. пер. М. Дубянецкага)
• 1980 «Дом на мяжы» (бел. пер. В. Ракіцкага)
• 1982 «Вацлаў»
• 1982 «Амбасадар»
• 1983 «Летні дзень»
• 1984 «Альфа»
• 1986 «Кантракт»
• 1987 «Партрэт»
• 1992 «Удовы»
• 1993 «Мілосьць у Крыме»
• 2000 «Вялебныя»
• 2000 «Цудоўны від»

Раманы

• 1956 «Маленькае лета»
• 1961 «Уцёкі на поўдзень»

Аўтабіяграфічная проза

• 2006 «Бальтазар»
• 2010 «Дзённік» (ч. 1)

Зборнікі апавяданьняў

• 1953 «Практычныя паўбраневікі»
• 1957 «Слон» (пераклад выбраных апавяданьняў М. Шоды)
• 1962 «Дождж»
• 1974 «Два лісты»
• 1983 «Даносы»

Пераклады на беларускую мову

• Дом на мяжы: Выбраныя творы / Прадмова В. Ракіцкага. Пераклад Л. Баршчэўскага, В. Ракіцкага, М. Шоды. Менск: Радыёла-плюс / Wrocław: Kolegium Europy Wschodniej, 2008. ISBN 978-985-448-093-0, 978-83-61617-92-1.
• Эмігранты / Пераклад М. Дубянецкага // Пры зачыненых дзвярах: Драматычныя творы. Мінск, 1995. ISBN 5-340-01222-0